الحمص المقرمش من أكتر الوجبات الخفيفة اللي الناس بتحبها، سواء كان مالح أو حلو, سهل تحضيره وطعمه لذيذ، وده بيخليه خيار رائع علشان تتسلى بيه أو تقدمه في لمّة العيلة والأصحاب.

ينشر لكم موقع" اجري نيوز" الاخباري, طريقتين لعمل الحمص المقرمش واحدة بالملح والتوابل، وواحدة حلوة مع القرفة والعسل, جربوا الوصفات دي في البيت واستمتعوا بطعم جديد ولذيذ.

طريقة عمل الحمص المقرمش بالملح والسكر

1- حمص مقرمش مالح:

المكونات:

2 كوب حمص مسلوق ومصفى

1 ملعقة صغيرة كمون صحيح

1 ملعقة صغيرة خردل حب

1 ملعقة صغيرة ملح بحري

1 ملعقة صغيرة بابريكا مدخنة

1 ملعقة صغيرة زعتر مجفف

1 ملعقة كبيرة زيت زيتون

طريقة التحضير:

انقع الحمص في مية لمدة 12 ساعة على الأقل.

صفي الحمص بعد النقع واغسليه كويس، بعد كده اسلقيه لحد ما الحبوب تلين من غير ما تنفجر.

صفي الحمص المسلوق وجففيه كويس علشان يبقى مقرمش بعد التحميص.

حطي الحمص في صينية فرن و ضيفي زيت الزيتون.

اطحني الكمون والخردل، وبعدين ضيفي عليهم الملح والبابريكا والزعتر، ورشي الخليط ده على الحمص وخلي بالك إن الحمص يتغلف كويس بكل التوابل.

حطي الصينية في الفرن على درجة حرارة 250°م لمدة من 20 لـ 30 دقيقة، ولازم تقلب الحمص في نص الوقت علشان ياخد لون ذهبي ويكون مقرمش.

2- حمص مقرمش حلو:

المكونات:

2 كوب حمص مسلوق ومصفى

1 ملعقة كبيرة قرفة

ربع كوب شراب قيقب أو عسل جلوكوز أو عسل نحل

2 ملعقة كبيرة سكر

رشة ملح بحري

طريقة التحضير:

انقع الحمص في مية لمدة 12 ساعة على الأقل.

صفي الحمص بعد النقع واغسليه كويس، ثم اسلقيه لحد ما الحبوب تلين من غير ما تنفجر.

صفي الحمص المسلوق وجففيه كويس علشان يبقى مقرمش بعد التحميص.

حطي الحمص في صينية فرن، و ضيفي شراب القيقب والقرفة والسكر والملح، وقلبي كويس علشان الحمص يتغلف بالخلطة.

حطي الصينية في الفرن على درجة حرارة 250°م لمدة من 15 لـ 20 دقيقة، لكن خلي بالك لازم تقلب الحمص علشان ما يتحرقش لأنه فيه سكر.

في الآخر، خلي الحمص يجف تماماً علشان يبقى مقرمش زي المحلات.

جربوا الوصفات دي وعيشوا طعم الحمص المقرمش بكل نكهة.


تابع موقع اجرى نيوز   على صفحة "الفيس بوك "  اضغط هــــــــنا
تابع موقع اجرى نيوز   عبر تطبيق "جوجل نيوز"       اضغط هــــــــنا

تابع موقع اجرى نيوز   على "اليوتيوب"  اضغط هــــــــنا
تابع موقع اجرى نيوز  على " واتس اب"  اضغط هــــــــنا
تابع موقع اجرى نيوز  على     " X "         اضغط هــــــــنا
تابع موقع اجرى نيوز  على "إنستجرام"  اضغط هــــــــنا

اجرى نيوز ، موقع إخباري  يقدم أهم الأحداث المحلية والعربية والعالمية وخدمات صحفية محترفة فى الأخبار والاقتصاد والزراعة والعلوم والفنون والرياضة والمنوعات، وهدفنا أن نصل لقرائنا الأعزاء بالخبر الأدق بما يليق بقواعد وقيم الأسرة المصرية.

لذلك نقدم لكم مجموعة كبيرة من الأخبار المتنوعة داخل الأقسام التالية، اخبار مصر، اخبار الزراعة، صناعة الدواجن، الثروة الحيوانية، بنوك واقتصاد، اجرى لايف، مقالات، منوعات، وخدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.