ينشر موقع "اجري نيوز" ، الإخباري معلومات هامة ومفيدة لمساعدة ست البيت في المنزل والتخفيف عليها ويقدم طريقة عمل بسكوت البرتقال في المنزل بأقل التكاليف .
مقادير بسكوت بالبرتقال:
٣ كوب دقيق
كوب سكر بودرة منخول
٣ بيضات
كوب زبدة طرية
معلقة صغيرة بيكنج بودر
فانيليا
رشة ملح
بشر برتقال
لبسكويت الشيكولاتة نشيل نصف كوب دقيق ونحط نصف كوب كاكاو خام ونكمل بنفس المقادير
الطريقة
الزبدة نضربها كويس وننزل السكر البودرة ونضرب بالمضرب الكهرباء لمدة دقيقتين أو لحد ما يبقي الخليط لونه كريمي ونحط البيض بيضة بيضة والفانيليا وبشر البرتقال وبعد كدة نحط الدقيق ونكون خلطنا معاه البيكنج بودر ورشة الملح ونحط الدقيق لحد ما يختلط كويس مع المكونات ونحط الخليط في كيس حلواني او بمكنة البسكوت ونشكلها وندخلها الفرن علي درجة حرارة ١٨٠ لحد ما ياخد لون دهبي ويستوي يهدي ونبتدي نحركه.
