ينشر موقع "اجري نيوز" ، الإخباري معلومات هامة ومفيدة  لمساعدة ست البيت في المنزل والتخفيف عليها ويقدم طريقة عمل كفته البرغل بمكونات اقتصادية من المنزل .


المكونات

نص كيلو لحم مفروم وفيه نسبه دهن
كوب برغل مجروش
بصله كبيره مبشوره ناعم
نص معلقه ص فلفل اسود
نص معلقه ص توم بودر
نص معلقه ص بصل بودر
نص معلقه ص حبهان
معلقه ص سبع بهارات
معلقه ص كزبره ناشفه
معلقه صغيره مليانه بابريكا
معلقه كبيره خلطه كفته
ملح حسب الزوق
معلقه صغيره بيكنج بودر


الطريقه

هنجيب البرغل ونغسله وننقعه مده نصف ساعه ونصفيه ونحط عليه البصله المفرومه والتوابل ونقلب كويس ونسبهم ساعتين في التلاجه وبعد ساعه نجيب اللحمه والبيكنج بودر ونعجنها مع البرغل ربع ساعه لحد ما تبقي ناعمه جدا علشان متفكش وبعد كدا في طبق هنصيف ٥معالق زيت و٥معالق مايه ومعلقه ص بابريكا ونصبع بيهم الكفته ونحطهم علي شبكه أو صنيه وندخلهم الفرن من 15 دقيقه الى 20 دقيقه.