في ظل الظروف الاقتصادية, يقدملك موقع "اجري نيوز" الاخباري, طريقة عمل الجبنة الكيري في المنزل بمكونات موجودة في كل بيت مصري, وبدون مواد حافظة.

طريقة صنع الجبنة الكيري في البيت

المكونات:

- نص كيلو حليب كامل الدسم

- ملعقتين عصير ليمون

- ملعقة زبدة

- رشة ملح

طريقة التحضير:

- حطي الحليب في حلة على نار متوسطة.

- سيبيه لحد ما يقرب يغلي.

- لما تشوفيه بدأ يغلي، ضيفي عصير الليمون.

- لما يبدأ الحليب يتكتل، شيليه من على النار وما تقلبهوش.

- خدي حلة تانية، حطي فيها قطعة شاش فوق مصفاة.

- صبي الحليب في المصفاة علشان يتصفى من السائل.

- اعصري الشاش شوية علشان يتخلص من بقايا الحليب السائل.

- حطي الجبنة في خلاط مع الزبدة واضربيهم لحد ما تبقى ناعمة.

- بعد كده ممكن تحطيها في التلاجة أو تقدميها لعيلتك.