سواء كانت نتيجة ابنك في الثانوية العامة عالية أو منخفضة، أكيد هيقارنها بدرجات صحابه، ثقافة المقارنة اللي زادت بسبب وسائل التواصل الاجتماعي ممكن تخلي المراهقين يحسوا بعدم الكفاءة لو درجاتهم أقل من زملائهم، أو تخلي زملائهم يحسوا بعدم الفائدة، علشان كده، تعالوا نعرف إزاي نساعد ابنك يتغلب على ثقافة المقارنة يوم نتيجة الثانوية العامة.

- اسأله عن مشاعره

لو ابنك حاسس بالإحباط وبيقيّم نفسه بشكل سلبي مقارنة بصحابه، ممكن يرفض أي كلام إيجابي أو مدح تقولهوله. أول حاجة ممكن تعملها هي تسأله عن مشاعره، المشاعر دي ممكن تكون خيبة أمل، حزن، غضب، خجل، أو حاسس إنه خذلك وخذل نفسه.
لو ابنك حاسس كده، لازم توصله رسالة إنك بتحبه بدون شروط، وفخور وسعيد بيه علشان هو على طبيعته، مش علشان الدرجات اللي بيجيبها.

- ساعده يحول السلبية لإيجابية

لو ابنك مجابش الدرجات اللي كان نفسه فيها، ممكن ينتقد أداؤه بشدة مقارنة بزمايله، حاول تبين لابنك إزاي يغير تفكيره السلبي، وشجعه يركز على الأسلوب اللي اتبعه في الامتحانات المرة دي، ويفكر في الخطوات اللي ممكن يعملها لتحقيق نتيجة أحسن في المستقبل.
التركيز يكون على إنه يحقق أفضل ما عنده بغض النظر عن مقارنة نتائجه بنتائج الآخرين.

- متسألش عن نتائج صحابه

حاول تحتفل بإنجازات ابنك على حقيقتها، ومتسألش عن نتائج صحابه، علشان تتجنب المقارنة، كمان متشاركش نتائج ابنك على وسائل التواصل الاجتماعي.

-  متكنش قاسي على نفسك

ثقافة المقارنة ممكن تأثر مش بس على المراهقين، لو نتائجهم مجاتش زي المتوقع، الأهل كمان ممكن يقارنوا أسلوب تربيتهم بأساليب أهالي تانية، لو أنت والد أو ولي أمر، ممكن تلاقي نفسك بتعمل مقارنات غير مفيدة مع الآخرين، وبتسأل نفسك عن مقدار الدعم اللي قدمته لابنك قبل الامتحانات، لكن النهاردة مش يوم للنقد الذاتي أو إصدار الأحكام.

التعاطف مع النفس مهم جداً في الوقت ده.

تابع موقع اجرى نيوز عبر تطبيق (جوجل نيوز) اضغط هــــــــنا

اجرى نيوز ، موقع إخباري  يقدم أهم الأحداث المحلية والعربية والعالمية وخدمات صحفية محترفة في الأخبار والاقتصاد والزراعة والعلوم والفنون والرياضة والمنوعات ، وهدفنا أن نصل لقرائنا الأعزاء بالخبر الأدق بما يليق بقواعد وقيم الأسرة المصرية.

لذلك نقدم لكم مجموعة كبيرة من الأخبار المتنوعة داخل الأقسام التالية، اخبار مصر، اخبار الزراعة، صناعة الدواجن، الثروة الحيوانية، بنوك واقتصاد، اجرى لايف، مقالات، منوعات، وخدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.