فاجأ مطرب المهرجانات مسلم، بفسخ خطبته من يارا، بعد أسابيع من احتفاله بـ خطبته في قصر البارون وسط عدد من نجوم الوسط الفني.
قال مسلم الخطوبة خلصت خلاص، وهي طلعت غير المتوقع وإحنا مش متفاهمين ودماغنا مش واحدة، وخلصنا الموضوع بكل احترام.
وحذف مسلم جميع صور خطوبته التي احتفل بها منذ أسابيع، من حسابه الشخصي بموقع تبادل الصور والفيديوهات إنستجرام، ما جعل الجمهور يتساءل عن حقيقة فسخ خطبته، كما كتب مسلم عبر ستوري إنستجرام: خلصت يا جماعة.
واحتفل مسلم مؤخرًا بخطبته على فتاة من خارج الوسط الفني، في قصر البارون، ويأتي ذلك بعد شهرين من طلاقه لـ ميكا البغدادي.
كما علق مسلم على انتقاد حفل خطوبته، وذلك بعد طلاقه بشهرين فقط، حيث انفصل عن البلوجر ميكا البغدادي، حيث قال في فيديو له عبر حسابه بموقع تيك توك: معلش يعني أنا روحت خطبت علشان خلاص مشيت في طريق ونسيت.. وربنا كرمني بإنسانة تفهمني، وآه مقعدناش وقت كبير بس أنا ارتحت معاها وهي بنت ناس وكويسة ومقصرتش معايا.وأردف: أتمنى الناس تكون عندها عقل وفهم عشان خاطري إنتوا متعرفوش حاجة، ومحدش يعرف اللى جوا البيت بيدور إيه أو اللى جوه الحياة بيبقى عامل إزاي ومحدش يعرف ده عامل إيه وأنا مش بحب أتكلم عن حياتي وبيتي.
