ساعات البنت بتتفاجأ إن الشاب اللي هي معجبة بيه، واللي كانت حاسة إن فيه حاجة متبادلة بينهم، يقول لها بكل برود "إنتي زي أختي"، الجملة دي بتكون زي الصدمة العاطفية للبنات، ومش كل واحدة بتعرف تتصرف في المواقف دي. عشان كده، جبنالك روشتة من احدي الأخصائيين النفسيين عشان تعرفي تتصرفي إزاي.
الوعي بالذات في علم النفس مقولة لــ"براد بيري" اللي بيقول إن 36% بس من الناس هم اللي بيعرفوا يوصفوا مشاعرهم بدقة. فلو انصدمتي عاطفيًا، لازم تفهمي مشاعرك وتحدديها بدقة،
إيه اللي خلاكي تتعلقي بالشخص ده؟
إيه الصفات اللي جذبتك ليه؟
وإيه عيوبه؟
وهتتعلمي إزاي تتجنبي العلاقات دي في المستقبل؟
و لما توصفي مشاعرك، هتفهمي نفسك أكتر وتنظمي أفكارك.
تقبل الرفض طبيعي إنك تحسي بالإهانة أو الخداع، خصوصًا لما حد يقولك إنك زي أختي او خلينا اصحاب احسن، في حين إن تصرفاته كانت بتقول حاجة تانية.
بس حاولي تضبطي نفسك وما تندفعيش في ردود أفعال انفعالية، الناس اللي بيعملوا كده غالبًا مش عارفين معنى الالتزام ولا عندهم استعداد يتحملوا مسؤولية العلاقات، فالبعد عنهم مكسب لصحتك النفسية.
وضع الحدود الوضوح هو أسرع طريق لوضع حدودك الشخصية، في بعض الشباب بيتلاعبوا بمشاعر البنات تحت شعار الصداقة، معتمدين على إن البنت مش هترفضهم، عشان كده، حطي حدود واضحة وما تقعيش في فخ أنانية الشريك اللي بيدور على العطاء من ناحيتك من غير ما يقدر قيمتك، الأفضل إنك تبعدي عن اللي مش بيقدر قيمتك.
تحمل المسؤولية الشخصية تجنبي جلد الذات ولوم نفسك باستمرار، لأن ده هيضعف ثقتك بنفسك. بس في نفس الوقت، اتعلمي من أخطائك وما تثقيش ثقة عمياء في أي حد. الشخص اللي بيحبك هيكون واضح من البداية و هيدخل البيت من بابه.
إلهاء العقل الشعور بالخذلان والتلاعب النفسي بيأثر على ثقتك بنفسك وبيخليكي مش متقبلة الرفض بسهولة، ممكن تلاقي نفسك بتعملي حاجات سلبية زي جلد الذات أو إنك تفضلي جنب الشخص ده كصديقة على أمل إنه يحس بيكي يومًا ما. بس ده هيتعبك نفسيًا.
الأفضل إنك تحطي حدود وتبعدي عن الشاب ده، وما تتابعيهوش على مواقع التواصل الاجتماعي وما تتكلميش معاه تاني، ده هيدي انطباع إنك كنتي بتحبيه بصدق وعايزة ترتبطي بيه، بس في نفس الوقت احترمتي رغبته في الابتعاد، وده هيخليكي كبيرة في عين نفسك.
تابع موقع اجرى نيوز عبر تطبيق (جوجل نيوز) اضغط هــــــــنا
اجرى نيوز ، موقع إخباري يقدم أهم الأحداث المحلية والعربية والعالمية وخدمات صحفية محترفة في الأخبار والاقتصاد والزراعة والعلوم والفنون والرياضة والمنوعات ، وهدفنا أن نصل لقرائنا الأعزاء بالخبر الأدق بما يليق بقواعد وقيم الأسرة المصرية.
لذلك نقدم لكم مجموعة كبيرة من الأخبار المتنوعة داخل الأقسام التالية، اخبار مصر، اخبار الزراعة، صناعة الدواجن، الثروة الحيوانية، بنوك واقتصاد، اجرى لايف، مقالات، منوعات، وخدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.
