ينشر موقع "اجري نيوز " , الإخباري خطوات سهلة وبسيطة وبأقل التكاليف وإنتاج مربح ووهمي خطوات زراعة لب عباد الشمس في المنزل علي السطح أو البلكونة بكل سهولة .

طرق زراعة لب عباد الشمس في المنزل 

دوار الشمس زراعته سهلة جدا و بذوره موجودة في كل مكان .(( بذور دوار الشمس هي اللب السوري بس مش المحمص ))
طيب البذور ممكن نجيبها منين ؟
البذور بنجيبها من أى مقلة لب هنقوله عايزين لب سورى مش متحمص ( ني )  . بس كده 

الخطوات :

١- دلوقتى احنا جبنا اللب السورى اللى هو بذور دوار الشمس و ده شكله 



٢-  بعد كده بنحضر الاصيص او الحاجة الى هنزرع فيها ممكن تكون علبة بلاستيك بس مخرومة من تحت لتصريف الماء الزائد . و بنحط التربة بتاعتنا التربة ممكن تكون عبارة عن نص بيتموس و نص رمل (البيتموس ده تربة زراعية ) تباع عند المشاتل لو مفيش ممكن نجيب طينة من اى جنينة فى الشارع 

٣ -  بعد ما حضرنا التربة بتاعتنا و الاصيص بنسقى الاصيص كويس بالماية و نستنى لغاية ما التربة تشرب الماية كلها 
 ٤ -  بعد كده بنغرز البذور بتاعتنا فى التربة من ناحية السن المدبب عمق حوالى نصف سنتيمتر 
٥ - و اخر حاجة  بنضغط على التربة بكف اليد
٦ -  بنستى حوالى ٥  ايام بعد كده بنلاقى النبات بدا يطلع 
٧ -  بنحط النبات فى حتة معرضة للشمس فى البلكونة مثلا و كل يوم هنشوفه و هو بيكبر . 
نسقى ازاى ؟
بنسقى لما التربة تجف




عباد الشمس من المحاصيل الزيتية الاستراتيجية يعتمد عليه في إنتاج زيوت الطعام وأعلاف الحيوانات ويستخرج منه أعلاف بقيمة بروتين تصل إلى 36% وترتفع نسبة الزيوت ببذوره إلي 45% , كما يستهلك كمية قليلة من مياه الري والأسمدة مقارنة بالمحاصيل الأخري ومدة بقاءه في الأرض 4 شهور مما يعود بالربح الاقتصادي المرتفع علي المزارع حيث يصل متوسط إنتاج الفدان 1.2 طن، ويقدم موقع الأرض أهم المعاملات الزراعية لدوار الشمس بدءا من تجهيز الأرض ونصائح لمزارعيه بعد الحصاد .