ينشر موقع "اجري نيوز" الإخباري عدة معلومات للمهتمين بالقطاع الحيواني والداجني حول اضرار تخزين العلف غلط او لفترة طويلة .

أضرار تخزين العلف غلط أو لفترة طويلة:

1- هيحصل نمو للفطريات وهتزيد السموم الفطرية ودى لها اضرار كبيرة جدا منها : 

-هتقلل الاستجابة المناعية للتحصينات وهيسبب فشل التحصين .... وبكده نلاقى نفسنا بنحصن والتحصين مش بيحمينا ونحس ان التحصين عديم القيمة 

-بتضعف مناعة الطائر وهتقلل قدرة الطيور على مقاومة الامراض ... وهنلاقى مشاكل مرضية بتحصل طول الدورة 

-هتعمل مشاكل فى الاعضاء الحيوية زى الكبد والكلى
 
-هتأثر على سلامة الامعاء وبالتالى هتعمل مشاكل فى الاوزان والتحويل .

2- هتقلل القيمة العذائية للعلف بسبب تكسير بعض المواد الغذائية اللى فى العلف ....وبالتالى هنلاقى مشاكل فى الاوزان والتحويل والتجانس وهنلاقى نسبة صردة عالية وبنلاقى البعض بيشك فى العلف والكتكوت ومش واخد باله من العلف وظروف تخزينه

3- هيخلى طعم وريحة العلف غير مستساغ للطيور بسبب نمو الفطريات وتزنخ الزيوت وهيزود نسبة الناعمة نتيجة تحلل مكونات العلف.... وده بيخلى اقبال الفراخ على العلف قليل جدا وبيحصل بعثرة وتنكيش للعلف على الارض بالرغم ان مافيش سبب مرضى ظاهر لقلة سحب العلف وممكن يكون النافق معاك طبيعى جدا .

4- هتقلل تأثير بعض الادوية على حسب نوع السموم الموجودة فى العلف ... وهنلاقى نفسنا بنستخدم ادوية كتير فى الدورة بدون نتيجة وده هيزود معانا تكلفة الدواء 

5-وهيسبب انخفاض فى انتاج ووزن البيض ونسبة الفقس والاخصاب والتفريخ


تابع موقع اجرى نيوز عبر تطبيق (جوجل نيوز) اضغط هــــــــنا

اجرى نيوز ، موقع إخباري  يقدم أهم الأحداث المحلية والعربية والعالمية وخدمات صحفية محترفة فى الأخبار والاقتصاد والزراعة والعلوم والفنون والرياضة والمنوعات ، وهدفنا أن نصل لقرائنا الأعزاء بالخبر الأدق بما يليق بقواعد وقيم الأسرة المصرية.

لذلك نقدم لكم مجموعة كبيرة من الأخبار المتنوعة داخل الأقسام التالية، اخبار مصر ، اخبار الزراعة ، صناعة الدواجن ،الثروة الحيوانية، بنوك واقتصاد ،اجرى لايف ،مقالات ،منوعات ، وخدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.