مع بداية صيف حار  ، ينشر  موقع "اجرى نيوز " الاخبارى ، معلومات عن كيفية اخيتار  كتاكيت الفراخ البلدى والدواجن التسمين ، من واقع تقارير  بحوث الإنتاج الداجنى بمعهد بحوث الإنتاج الحيوانى بوزارة الزراعة .
ثقتك فى الشركه اللى ناويت تتعامل معاها سواء شركه كبيره او حتى كتكوت اهالى وتكون سألت كويس جدا ناس اتعملت معاهم قبل كده عشان تضمن جوده الكتكوت الى هتكمل بيه دورتك عشان تضمن ان كتكوتك خالى من السالمونيلا والميكوبلازما الى جايه من الام او بمعنى ادق تكون نسبتهم معقوله وما اخدتش كتير جوا جسم الكتكوتش . 
طب ازاى تتعرف على وجود السالمونيلا عمر يوم .
هتلاقى بطن الكتكوت كبيره وده بيحصل لان السالمونيلا بتغزو كيس المح وبالتالى هيحصل فيه التهاب . 
مش بس كده ده انت كمان هتلاقى السره كبيره وباينه بمجرد ما تقلب الكتكوت . الطبيعى انها ما تبنش غير لما تنفخ فى الريش او تباعده بايدك وبتكون صغيره وناشفه.


عشان تعرف هل كتكوتك جاى من ام بشاير ولا قطيع شباب فى فترة البيك ولا فى اخر الانتاج وده هتعرفه بطريقتين :
نقيس طول الكتكوت من اول المنقار الى منتصف الاصبع
١٨-١٩سم بيكون بشاير /١٩-٢٠سم بيكون فى قمة الانتاج وده ممتاز /اكتر من 20سم فده من قطيع كبير
المفرخ نفسه ممكن يكون سبب فى مشكلة كبيره وهى الاسبرجيلوزيس طب ازاى تتعرف على المشكله ديه  
هتلاقى الكتكوت بيلقف الهوا بيفتح بقه كانه بيشد النفس شد او ان حاجه وقفه فى زوره
واما تفتح الكتكوت هتلاقى الرئه مخضره او مزرقه وساعات عليها نودلز بيضاء وممكن هتلاقيها على باقى الجهاز التنفسى . 
الظروف الى اتنقل فيها كتكوتك لحد موصل لمزرعتك ممكن تكون سبب فى مشكله كبيره وهى مشكلة الجفاف من المفترض ان الكتكوت بعد الفقس بيدخل الحضانه عند درجة حراره ٣٢-٣٥ وبدرجة رطوبه ٦٥% طب ايه الى بيحصل السبب ان الكتكوت بيتنقل فى ظروف غير مناسبه بالاخص فى الرطوبه ولمده متفاوته من ١٢ساعه وطالع بتبتدى تدخل فى الجفاف


تابع موقع اجرى نيوز عبر تطبيق (جوجل نيوز) اضغط هــــــــنا

اجرى نيوز ، موقع إخباري  يقدم أهم الأحداث المحلية والعربية والعالمية وخدمات صحفية محترفة فى الأخبار والاقتصاد والزراعة والعلوم والفنون والرياضة والمنوعات، وهدفنا أن نصل لقرائنا الأعزاء بالخبر الأدق بما يليق بقواعد وقيم الأسرة المصرية.

لذلك نقدم لكم مجموعة كبيرة من الأخبار المتنوعة داخل الأقسام التالية، اخبار مصر ، اخبار الزراعة ، صناعة الدواجن ،الثروة الحيوانية، بنوك واقتصاد ،اجرى لايف ،مقالات ،منوعات، وخدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.