موقع "اجري نيوز" يقدم لكم أهم المعلومات لضمان نجاح تربية الدواجن وتجنب المشاكل، كما أن تربية فراخ التسمين بتعتمد بشكل كبير على فهم المعادلتين الأساسيتين اللي بتؤثر على صحة الكتاكيت، زي توفير الظروف المناسبة زي التدفئة الجيدة والتهوية المتوازنة، واللي بتساعد المربين على تجنب التحديات اللي ممكن يوجهوها.

المعادلة الأولى:

فترة التحضين في أول أسبوعين، أو فترة التحضين، لازم تكون التدفئة أولى أولوياتك، التدفئة أهم من الأكل والشرب والأدوية.
لازم تكون الحرارة بين 32 و34 درجة مئوية مع توفير تهوية جيدة عشان تمنع الرطوبة الزائدة ورائحة الأمونيا، اللي بتساهم في الأمراض التنفسية.

لو وفرت الشروط دي، هتلاحظ:

- حيوية ونشاط الكتاكيت.
- سحب جيد للأكل والماء.
 تجنب استخدام المضادات الحيوية بشكل مفرط، عشان تحافظ على عمود المناعة للكتاكيت.

أما لو ساءت ظروف التحضين، هتواجه:

- تجمعات للكتاكيت في أركان المزرعة وضعف نموها.
- قلة الإقبال على العلف والماء.
- تأخر في معدل النمو.
- إصابات مبكرة بأمراض معوية وبكتيرية.
- تدهور في الجهاز المناعي، مما يجعلها عرضة للأمراض الفيروسية في العمر الكبير.

المعادلة الثانية: العمر بعد 25 يوم

- بعد 25 يوم من عمر الفراخ، تكون التهوية أهم من الأكل والشرب.
- توفير تهوية متوازنة، بعيدًا عن التيارات الهوائية المباشرة، ضروري للحفاظ على نشاط الفراخ.


- لو ساءت التهوية، هتلاحظ:
- ارتفاع نسبة الرطوبة بسبب نقص الأكسجين وزيادة بخار الزفير.
- رائحة الأمونيا، حتى مع رش الجير على السبلة.

الأضرار الناتجة عن سوء التهوية:

- تجمع الفراخ حول أركان المزرعة، هربًا من الكتمة.
- زيادة في الأمراض التنفسية، مثل العطس والتهابات العيون.
- انخفاض سحب الأكل بشكل ملحوظ.
- انهيار عمود المناعة، مما يفتح الأبواب للأمراض الفيروسية، و لو في أي إصابات بكتيرية زي الكوليستيريا أو الكوكسيديا، هتكون صعبة العلاج بسبب الرطوبة العالية، لأن البكتيريا بتتطور في الأجواء الرطبة.
- التربية سهلة لو فهمت المعادلات دي، وتقدر تتمتع بتربية دواجن صحية وناجحة.