طائر الحب أو الدرة هو نوع من أنواع الببغاء، و بيجي في فصيلة الببغاوات. اسمه العلمي هو "Agapornis"، و بيسموه طائر الحب لأنه بيعرف يرتبط بشريك واحد طول حياته، وده اللي خلى اسمه يرتبط بالحب، الطائر ده مش غالي وفيه ناس كتير بتربيه كحيوان أليف لأنه سهل تربيته.

صفات طيور الحب:

الحجم و الشكل :

طيور الحب حجمها صغير، طولها بين 13 و17 سم، وعندها جسم ممتلئ, الذيل بتاعها ممكن يكون مدور أو مربع.

اللون :

لون الطائر بيختلف حسب النوع، وغالبًا لونه الأخضر هو السائد، وفيه بعض الأنواع بتظهر فيها طفرات وراثية بألوان مختلفة.

التمييز بين الذكر و الأنثى :

في بعض الأنواع، زي الأبسينين، ومدغشقر، وأحمر الوجه، ممكن تميز بين الذكر والأنثى بسهولة، لكن في أنواع تانية صعب التمييز بينهم لأنهم نفس الشكل.

حلقة العين :

معظم أنواع طيور الحب عندها حلقة بارزة حول العين، لكن في بعض الأنواع مفيش الحلقة دي.

الوزن :

وزن طائر الحب بيترواح من 45 ل 70 جرام.

الصفات السلوكية:

اجتماعيين :

طيور الحب نشيطة وفضولية، وسهل جدًا تربطهم بعلاقة قوية مع أصحابهم.

العدوانية :

أحيانًا بيبقى عندهم ميول عدوانية، خصوصًا لو ما اتدربوش من الصغر، والإناث غالبًا بيبقوا أكثر عدوانية من الذكور.

التواصل :

طيور الحب عندها أصوات عالية ومميزة، لكن مش زي الببغاوات اللي بتقدر تقلد الأصوات أو الكلام، هي بس بتغرد. 

التزاوج :

طيور الحب بتزاوج طول حياتها مع نفس الشريك، و بتبقي أحادية الزوج.
الأكل:
طيور الحب في الطبيعة بتاكل بذور وفواكه وأعشاب وحبوب في البيت، لازم تديهم خليط من الحبوب مع خضار وفواكه طازة، وكمان ممكن تعطيهم مكسرات زي البندق والجوز والفول السوداني, حاول تبعد عن تقديم الأكل في أواني بلاستيك لأنهم ممكن يمضغوه وده ممكن يسبب لهم مشاكل صحية.

التكاثر:

- طيور الحب بتبدأ التزاوج لما توصل لعمر 10 شهور، و بيقدرو يتكاثروا طوال حياتهم لحد 15 سنة.
- موسم التكاثر الطبيعي ليهم بيكون في الربيع والصيف، لكن لو في قفص، ممكن الأنثى تبيض على مدار السنة.
- الأنثى بتضع البيض بعد حوالي 10 أيام من التزاوج، وتحتاج حوالي 25 يوم علشان تحضن البيض.

أشهر أنواع طيور الحب:

ببغاء الحب وردي الوجه :

لونه أخضر و معاه وجه وردي جميل، وبيزن حوالي 56 جرام.

ببغاء الحب المقنع :

ليه رأس أسود زي القناع وحوله حلقة بيضاء، لونه الأخضر مع شوية أصفر وأزرق.

ببغاء الحب فيشر :

لونه أخضر وأزرق، والرقبة بتاعته لونها ذهبي.

ببغاء الحب ليليان :

جسمه أخضر مع منطقة الوجه لونه وردي أو أصفر.

ببغاء الحب أسود الخدين :

ريشه أخضر ويميل للبني والبرتقالي في منطقة الصدر.

ببغاء الحب أسود الجناحين :

لونه أخضر مع جناحين أسود، و بيعيش في مناطق معينة زي الحبشة.

ببغاء الحب رمادي الوجه :

الذكور بيكونو رماديين، والإناث لونهم أخضر، و بيعيشوا في مدغشقر.

ببغاء الحب أحمر الوجه :

جسمه أخضر، ووجهه من اللون البرتقالي، ووزنه 42 جرام تقريبًا.

أماكن انتشار طيور الحب:

معظم طيور الحب بتعيش في أفريقيا، باستثناء نوع واحد (طائر الحب ذو الرأس الرمادي) اللي بيعيش في مدغشقر, الطيور بتعيش في الغابات والسافانا في مناطق جنوب الصحراء الكبرى في أفريقيا، وأحيانًا بتلاقيهم في الولايات المتحدة.

أسباب موت طيور الحب:

فيه شائعة بتقول إن لو مات طائر حب، شريكه هيموت كمان، بس دي مش حقيقة, الحزن ممكن يأثر عليهم، ويضعف جهازهم المناعي، لكن مفيش حاجة بتخليهم يموتوا بسبب بعض. بعض الأسباب الحقيقية لموت طيور الحب بتشمل :
- أمراض زي الفيروسات أو البكتيريا.
- مشاكل في جهازهم التناسلي (زي انحباس البيض عند الإناث).
- تسمم بسبب أطعمة معينة زي الشوكولاتة أو الكافيين أو بعض النباتات السامة.
- تعرضهم لسموم من الأبخرة السامة في البيت.
ده كان ملخص عن طيور الحب بشكل عام، وازاي تربيهم وتعتني بيهم.



تابع موقع اجرى نيوز   على صفحة "الفيس بوك "  اضغط هــــــــنا
تابع موقع اجرى نيوز   عبر تطبيق "جوجل نيوز"       اضغط هــــــــنا

تابع موقع اجرى نيوز   على "اليوتيوب" اضغط هــــــــنا
تابع موقع اجرى نيوز  على " واتس اب"  اضغط هــــــــنا
تابع موقع اجرى نيوز  على     " X "         اضغط هــــــــنا
تابع موقع اجرى نيوز  على "إنستجرام"  اضغط هــــــــنا

اجرى نيوز ، موقع إخباري  يقدم أهم الأحداث المحلية والعربية والعالمية وخدمات صحفية محترفة فى الأخبار والاقتصاد والزراعة والعلوم والفنون والرياضة والمنوعات، وهدفنا أن نصل لقرائنا الأعزاء بالخبر الأدق بما يليق بقواعد وقيم الأسرة المصرية.

لذلك نقدم لكم مجموعة كبيرة من الأخبار المتنوعة داخل الأقسام التالية، اخبار مصر، اخبار الزراعة، صناعة الدواجن، الثروة الحيوانية، بنوك واقتصاد، اجرى لايف، مقالات، منوعات، وخدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.