ينشر موقع "اجرى نيوز" الاخبارى معلومات هامة  عن   كيفية  التعامل مع الفراخ واسباب تراجع اوزان الفراخ بعنابر التسمين المربيين  "كلت علفها بس ما جابتش وزن" ، من خلال تقاير قسم الانتاج الداجنى بمعهد بحوث الانتاج الحيوانى بوزارة الزراعة .




الفراخ كلت علفها بس ما جابتش وزن  ، كتير مننا لما بتحصل المشكلة دى بيحط العلف او الكتكوت فى قفص الاتهام 
 -الفعل ممكن يكون فيه مشكلة فى العلف او الكتكوت ولكن برده فيه اخطاء ادارية ممكن تأثر على معامل التحويل بشكل كبير جدا فمثلا :-

 -ملئ العلافات حتى حافتها ممكن تسبب هدر فى العلف حوالى 60 كجم / طن علف 
- لو موجود فئران فى المزرعة ممكن تأكل حوالى 10 كجم / طن علف 
- انخفاض درجة حرارة العنبر عن الدرجة المطلوبة بالنسبة لعمر الفراخ بيخلى الفراخ تستهلك جزء من العلف لتدفئة جسمها وممكن تعمل هدر فى العلف حتى 100 كجم / طن علف.



- التخزين السئ للعلف ممكن يسبب فساد العلف وبتقل قيمته الغذائية وممكن تسبب هدر فى كفاءة العلف ما يعادل 50 كجم / طن علف 
- الاهمال فى مواجهة المشاكل المعوية ( زى الكوكسيديا والكلوستريديا و ) بيعمل هدر فى التحويل قد يصل الى 70 كجم / طن علف 
- تخيل ان المشاكل دى لو اتجمعت كلها فى مزرعة تسمين ابيض ممكن نلاقى الفرخة نظريا استهلكت 3 كيلو علف :
 -استفادت منه ب 2.130 جرام بس  ،   حصل هدر لحوالى 870 جرام علف. 
- وزن الفرخة 1400 جرام بدل ما هى 1900 جرام  ، ولو حللت العلف هتلاقيه مظبوط ومافيهوش مشاكل.