موقع "اجري نيوز" الإخباري يقدم نصائح هامة لمربي الدواجن لضمان استمرارية إنتاج البيض من الدجاج البياض، ويُعتبر فهم العناصر الغذائية الأساسية، وخاصة الأملاح، أحد مفاتيح النجاح في تربية الدواجن.


ومن خلال بعض الإرشادات البسيطة مثل إضافة العسل الأسود إلى مياه الشرب وتقديم الخضروات الطازجة، يمكن تعزيز صحة الفراخ وزيادة إنتاج البيض بشكل فعال.

لذلك، سنعرض لك مجموعة من النصائح التي ستساعدك في تحقيق أفضل نتائج في تربية الدجاج البياض، مع التأكيد على أهمية الأملاح كعنصر أساسي لضمان استمرارية إنتاج البيض وتفقيسه.

أهمية الأملاح في تربية الدواجن

العسل الأسود، يعد من أهم مصادر الأملاح التي تفيد الدواجن، لو حابب تحسن صحة الفراخ، استخدم ملعقة كبيرة من العسل الأسود على 3 لترات مية، وده لمدة 8 ساعات كل 3 أيام. بمجرد ما تعرف فوائده، هتلاقى نفسك مستخدمه بانتظام.

تغذية الفراخ بالخضروات

من الأفضل تبدأ صباحك بتقديم الخضروات للفراخ البياضة، لأنها بتساعدها على امتصاص العناصر الغذائية المهمة بسهولة لما تأكل العلف، الخضروات زي الكرات، الجرجير، أو البقدونس تعتبر مثالية، لكن ابتعد عن البرسيم علشان ما يسببش ديدان في جسم الفرخة.

خلطة العلف المثالية

للحفاظ على وزن الفرخة البياضة، هتحتاج لخلطة علف متوازنة زي دي:

- كيلو دشيشة
- كيلو ردة
- كيلو علف بياض خشن (20%)
- كيلو عيش ناشف مطحون
- نصف كيلو فول كسر
- نصف كيلو كسب
- 2 كيلو بطاطا خضراء مبشورة
- رشة ملح بسيطة

أهمية الخميرة

الخميرة هي سر النجاح، لأنها بتكمل الكالسيوم وبتساعد في توسيع مكان البيض داخل الفرخة، لو جربتها، هتلاقي نفسك مش محتاج تستخدم أي حاجة تانية.

العناصر الأخرى

أما بالنسبة للصدف والبلط والعلف البياض، فهي تعتبر عناصر وهمية، لذا، يُفضل التنوع في العلف لضمان صحة الفراخ وزيادة إنتاج البيض.