موقع "اجري نيوز" الاخباري يوضح كيفية الإضاءة الصحيحة لتربية الدواجن والمواعيد المظبوطة، وخصوصا بنلاحظ أن ٨٠٪ من مربي الدواجن، متبع نظام الإضاءة المستمرة على مدار الدورة ظنا منه أن طول ما الإضاءة شغاله الفراخ هتاكل وبالتالي هاخد وزن أعلى واحقق ربح أعلى كلام علميا نصف صحيح الفراخ فعلا طول ما النور والع بتاكل لكن نصف الجمله ( تحويل أعلى ) غير صحيح بالمره.

مشاكل او أضرار الإضاءة المستمرة

المسئول الأول عن ظاهرة الموت المفاجئ أو الـ sudden death syndrome خاصه في سلالة الكب نتيجة عدم القدرة الفسيولوجية للأعضاء الداخلية ع القيام بوظائفها نتيجة الوزن الزائد في الجسم أو بالبلدي القلب والرئتين مش عارفين يشتغلوا من تقل اللحم اللي شايلة الجسم، دي بتكون نتيجة أو الضرر الأقل للمشكلة رقم ١ الا وهو الاستسقاء أن جسم الفرخ مش قادر يجمع الأكسجين لجسمه عشان يقوم بدوره الحيوي، طول ما الإضاءة شغاله الفراخ بتجري وتتحرك كتير بالتالي حرق طاقه عالي يؤدي إلى استهلاك مزيد من العلف عشان الحركة دي بدلا من تحويلها ل لحم.


هور مشاكل معوية نتيجة عدم الهضم الجيد للعلف المأكول ومروره سريعا داخل القناه الهضمية لاستقبال المزيد من العلف اللي بياكله الفرخ نتيجه أن الإضاءة مستمرة والعلف متوفر أمامه.
والنقطه دي بتخليك تتجنن تقول علف غير مهضوم يعني كلوسترديا وتبدأ في كورسات علاج وتدمير للميكروفلورا المعوية نتيجه استخدمها غير الرشيد بجانب طبعا كميه كبيره من السبلة أو الاخرجات وزيادة رطوبه الفرشه تمهيدا للإصابة بالكوكسيديا وغير من الأمراض المعوية و التنفسيه كمان.
كل ده فاكر أن الإضاءة المستمرة هي اللي هتسرع معاك الدورة وتحقق وزن اسرع، كل ده عشان الإضاءة مستمرة خلاص نفسي.

ازاي اعمل اظلام بطريقه علميه صحيحه
1-الاظلام مش قبل عمر اسبوع هتقولي ليه ؟

اقولك قبل اسبوع بتكون الأمعاء لسه بتتطور وانا بحاول استغل كل ثانيه ف مرحله النمو دي عشان الأمعاء تكون ليها القدرة على أداء وظائفها كويس جدا.

2-انا لما بعمل اظلام بطفى النور فقط

شرط يكون ظلام دامس زي ماقلت النور بس مش اطفى الهيتر والشفاط واقفل الشبابيك واقتل الفراخ، يعني كل حاجه شغاله زي ومتابعه درجات الحرارة والرطوبة كل حاجه تمام فيما عدا الإضاءة، خد بالك لو عندك خطوط نبل اقفل محبس الميه من بره عشان ميكونش تسريب للماء في العنبر وتلاقي مزرعتك غرقانه.

3-افضل الاوقات تعمل فيها اظلام ، بعد المغرب وقبل الفجر عن تجربه.

- تعملها ازاي اقولك فيه اكتر من طريقه، اظلام 6 ساعات متفرقين
( 2 بعد المغرب و 2 بعد منتصف الليل و2 قبل الفجر )
- اظلام ساعه وإنارة 3 ساعات ودي متبعه ف المزارع الكبيرة ميفضلش تعملها
- اظلام ساعتين فقط بعد المغرب أو قبل الفجر
من اليوم 8 الى اليوم 14
4 ساعات اظلام (من اليوم 15 الى اليوم 30)
6 ساعات اظلام (من اليوم 31 الى اليوم 35)

ساعة فقط اظلام

بالنسبة لموضوع لون الإضاءة انا قرأت لكن مجربتش عملي الخلاصة بتقول افضل لون الأزرق يليه الأخضر ثم الأبيض

الخلاصه

جرب تعمل اظلام ستلاحظ الفرق في:

- اختفاء ظاهرة ال sudden death
- اختفاء ظاهرة الاستسقاء
- تقليل الرطوبة في الفرشة
- تجنب ظاهرة تفاوت الأوزان
حيوية و مناعة قوية ومقاومه الفيروسات والامراض.


تابع موقع اجرى نيوز عبر تطبيق (جوجل نيوز) اضغط هــــــــنا


اجرى نيوز ، موقع إخباري  يقدم أهم الأحداث المحلية والعربية والعالمية وخدمات صحفية محترفة في الأخبار والاقتصاد والزراعة والعلوم والفنون والرياضة والمنوعات، وهدفنا أن نصل لقرائنا الأعزاء بالخبر الأدق بما يليق بقواعد وقيم الأسرة المصرية.

لذلك نقدم لكم مجموعة كبيرة من الأخبار المتنوعة داخل الأقسام التالية، اخبار مصر، اخبار الزراعة، صناعة الدواجن، الثروة الحيوانية، بنوك واقتصاد، اجرى لايف، مقالات، منوعات، وخدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.