إجراءات ضبط الحرارة  في عنابر استقبال الكتاكيت خاصة في الشتاء من حلال تقارير صادرة من  قسم بحوث تربية الدواجن التابع لمعهد بحوث الإنتاج الحيواني  مركز البحوث الزراعية بوزارة الزراعة ,وقال  تقرير  بحوث تربية الدواجن لضبط درجة الحرارة بحيث تكون مناسبة لاستقبال الكتاكيت ف انت محتاج تقيس درجتين حراره وتتأكد انهم مضبوطين.
وينشر  "اجرى  نيوز " الاخبارى ، الإجراءات  كالاتى ..

 اولا درجة حرارة جو العنبر:

  ودى اللي اغلب الناس بتهتم بيها ... ومش هنتكلم عنها 

 ثانيا  درجة حرارة الفرشة :

ودي اغلب الناس مش بتهتم بيها علي الرغم انها مهمه جدااا ودى المفروض ما تقلش عن 28 درجة لان لو درجة حرارة الفرشة اقل من كده هتحس الكتاكيت بالبرودة حتي لو درجة حرارة جو العنبر مضبوطة ..... ودى اللي عوزين نتكلم عنها.

 تقيس درجة حرارة الفرشه حط ترمومتر علي عمق 1سم من سطح الفرشة وبتسيبه من ٣-٥ دقائق وبعدين تشوف القراءة كام ....القراءة دي هي درجة حرارة الفرشة  ممكن تعرف ان كانت الفرشة باردة ولا دافئة ببساطة وبدون قياس حرارتها ... ودى بأنك تأخذ عينة عشوائية من الكتاكيت بعد نزول الكتاكيت ب 6 ساعات وتحط راحة القدم على خدك ان كانت دافئة يبقى الفرشة دافئة وان كانت باردة يبقى الفرشة باردة . 

 فى حال  الفرشة باردة ماذا يحدث  

 -الكتاكيت ستتجمع حوالين الدفايات او في احد جوانب العنبر و هتمتنع عن الاكل والشرب  على الرغم من ان حرارة جو العنابر مضبوطة 
وناس كتير أحيانا بتشكك ان الترمومترات فيها مشكلة. 
-الامتناع عن الاكل والشرب في الفترة الحساسة دى من عمر الكتكوت هيأثر علي نمو وتطور الجهاز الهضمي وسلامة الأمعاء ويقلل نشاط مركز الشهية في المخ ونلاقي الفراخ اكلها ووزنها اقل من الطبيعي طول الدورة.
-هيأثر علي نمو وتطور الجهاز المناعي وامتصاص كيس المح و هتكون الفراخ ضعيفة مناعيا واكثر عرضه للإصابة بالأمراض.
-هيكون التجانس وحش والسردة عالية .
-هتزود الاستسقاء بعد كده ف الدورة بمعدل ٣ اضعاف وتزود النافق من الاستسقاء للضعف.

نصائح بحوث تربية الدواجن 

1- لازم تدفي العنبر قبل وصول الكتاكيت بفتره كافيه ( حوالى 12 ساعة) لحد ما تكون درجة حرارة الفرشة ٢٨ درجه علي الأقل .
2-بلاش تستخدم فرشه مبتلة في الشتاء لأنها بتكون دايما حرارتها اقل من درجة حرارة العنبر ب ٥ : ١٠ درجات وبالتالي صعب توصل لدرجة الحرارة المضبوطة للفرشة ... دا طبعا غير انها ممكن تسبب مشاكل صحية تانية زي الاسبرجيلوس. 

 في حالة تجمع للكتاكيت بسبب برودة الفرشة :- ارفع درجة حرارة العنبر شويه لحد ما الكتاكيت تفرد وبعدين نزلها تاني للطبيعي  بس ده مش الصح المطلق ولكن هو إدارة للازمة فقط .... والصح هو التدفئة قبل وصول الكتاكيت بفترة كافية ولو قلقان من تكلفة التدفئة فلك ان تعلم ان الفلوس اللى بتوفرها فى الوقود اقل بكتير من اللى بتخسرها بسبب برودة الكتاكيت.

تابع موقع اجرى نيوز   على صفحة "الفيس بوك "  اضغط هــــــــنا
تابع موقع اجرى نيوز   عبر تطبيق "جوجل نيوز"       اضغط هــــــــنا

تابع موقع اجرى نيوز   على "اليوتيوب" اضغط هــــــــنا
تابع موقع اجرى نيوز  على " واتس اب"  اضغط هــــــــنا
تابع موقع اجرى نيوز  على     " X "         اضغط هــــــــنا
تابع موقع اجرى نيوز  على "إنستجرام"  اضغط هــــــــنا

اجرى نيوز ، موقع إخباري  يقدم أهم الأحداث المحلية والعربية والعالمية وخدمات صحفية محترفة في الأخبار والاقتصاد والزراعة والعلوم والفنون والرياضة والمنوعات، وهدفنا أن نصل لقرائنا الأعزاء بالخبر الأدق بما يليق بقواعد وقيم الأسرة المصرية.

لذلك نقدم لكم مجموعة كبيرة من الأخبار المتنوعة داخل الأقسام التالية، اخبار مصر، اخبار الزراعة، صناعة الدواجن، الثروة الحيوانية، بنوك  واقتصاد، اجرى لايف، مقالات، منوعات، وخدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.