ينشر موقع "اجرى نيوز" الاخبارى معلومات هامة  عن  كيفية  التعامل مع كتاكيت عمر اقل من 14  يوم بعنبر  الفراخ ، من خلال تقاير قسم الانتاج الداجنى بمعهد بحوث الانتاج الحيوانى بوزارة الزراعة .

تعرف علي طرق التعامل مع كتاكيت عمر 14 يوم 

- هتكون درجة الحرارة منخفضة الاسبوع ده من الاحد الى الخميس وهتوصل درجة الحرارة الصغرى فى بعض الاماكن فى مصر الى 4 درجة مئوية 
- الكتكوت قبل عمر 14 يوم مش بيكون قادر على تنظيم درجة حرارته وبياخد نفس درجة حرارة الجو 
- خلال اول 14 يوم من عمر الكتكوت بيتطور بشكل كبير الجهاز الهضمى والمناعى والهيكل العظمى 

- فى حال الكتاكيت بردت منك خلال اول 14 يوم من عمرها هيحصل الآتى :- 

هيتأثر نمو الجهاز الهضمى والمناعى والهيكل العظمى للطيور 
هيكون الجهاز المناعى ضعيف طول الدورة وقدرته على مقاومة الامراض ضعيفة 
هتكون الاستجابة المناعية للتحصينات ضعيفة وهيكون رد فعل التحصينات عنيف ولمدة طويلة 
هتزيد حالات الاستسقاء فى الفراخ 


هيقل معامل التحويل لأن جزء من العلف المأكول هيتوجه لتدفئة جسم الكتكوت ( وليس لبناء اللحم )
هيزيد عمر البيع وهتطول مدة الدورة وهتزيد نسبة الصردة
-شغل مصدر التدفئة قبل وصول الكتاكيت ب 24 ساعة بحيث توصل درجة حرارة جو العنبر من 32 الى 34 درجة ودرجة الحرارة على عمق 1 سم من الفرشة 27 درجة على الاقل



-زيادة  سمك الفرشة بحيث لا تقل عن 5 سم وممنوع استخدام فرشة مرطبة ( رطوبتها اكتر من 15 % )
-زود عدد الدفايات قدر الامكان للوصول للحرارة المطلوبة 
-تأكد من كفاءة مصدر التدفئة قبل ادخال الكتاكيت
- زود عدد العلافات قدر الامكان لتشجيع الكتاكيت على الاكل
-مراقبة شرب الماء وحرارة الماء بحيث تكون مش اقل من 15 درجة 



 لو قلت درجة حرارة الماء عن 10 درجات هيقل شرب الماء بشكل كبير وهيزيد النافق نتيجة النقرس الحشوى ( visceral gout ) 
 مشكلة متكررة بين المربيين ومعامل التفريخ :- انخفاض درجة حرارة تحضين الكتاكيت هترفع معاك النافق نتيجة فشل التنفس وتوقف القلب او نتيجة النقرس الحشوى ( لو قلت حرارة الماء عن 10 درجات )  لان البعض بيفسر ارتفاع النافق فى الاسبوع الاول ان فيه مشكلة فى الكتاكيت ( زى التهاب السرة مثلا ) بدون تشخيص سبب النافق.