اجراءات ضبط الحرارة فى عنابر استقبال الكتاكيت خاصة فى الشتاء من حلال تقارير صادرة من قسم بحوث تربية الدواجن التابع لمعهد بحوث
الانتاج الحيوانى مركز البحوث الزراعية
بوزارة الزراعة.
وقال تقرير بحوث تربية الدواجن ، لظبط درجة الحرارة بحيث تكون مناسبة لاستقبال
الكتاكيت ف انت محتاج تقيس درجتين حراره وتتأكد انهم مظبوطين.
وينشر "اجرى نيوز " الاخبارى ، الإجراءات كالاتى ..
اولا درجة
حرارة جو العنبر : ودى اللي اغلب الناس بتهتم بيها ... ومش هنتكلم عنها
ثانيا درجة حرارة الفرشه : ودي اغلب الناس مش بتهتم
بيها علي الرغم انها مهمه جدااا ... ودى المفروض ما تقلش عن 28 درجة لان لو درجة
حرارة الفرشه اقل من كده هتحس الكتاكيت بالبروده حتي لو درجة حرارة جو العنبر
مظبوطة ودى اللى عاوزين نتكلم عنها.
تقيس درجة
حرارة الفرشه
حط ترمومتر علي عمق 1سم من سطح الفرشه وبتسيبه من
٣-٥ دقايق وبعدين تشوف القراءة كام القراءه دي هي درحة حرارة الفرشه ممكن تعرف
ان كانت الفرشة باردة ولا دافئة ببساطة وبدون قياس حرارتها ودى بأنك تاخد عينة
عشوائية من الكتاكيت بعد نزول الكتاكيت ب 6 ساعات وتحط راحة القدم على خدك ، ان كانت دافئة يبقى الفرشة دافئة وان كانت
باردة يبقى الفرشة باردة .
فى
حال الفرشة باردة ماذا يحدث
-الكتاكيت
هتتجمع حوالين الدفايات او في احد جوانب العنبر وهتمتنع عن الاكل والشرب على الرغم من ان حرارة جو العنبر مظبوطة وناس
كتير احيانا بتشك ان الترمومترات فيها مشكلة.
-الامتناع عن الاكل والشرب في الفترة الحساسة دى من
عمر الكتكوت هيأثر علي نمو وتطور الجهاز الهضمي وسلامة الامعاء وهيقلل نشاط مركز
الشهيه في المخ وهنلاقي الفراخ اكلها ووزنها اقل من الطبيعي طول الدورة.
-هيأثر علي نمو وتطور الجهاز المناعي وامتصاص كيس
المح وهتكون الفراخ ضعيفه مناعيا واكثر عرضه للاصابه بالامراض.
-هيكون التجانس وحش والسردة عاليه .
-هتزود الاستسقاء بعد كده ف الدوره بمعدل ٣ اضعاف
وهتزود النافق من الاستسقاء للضعف.
نصائح بحوث تربية الدواجن
1- لازم تدفي العنبر قبل وصول الكتاكيت بفتره كافيه
( حوالى 12 ساعة) لحد ما تكون درجة حرارة الفرشه ٢٨ درجه علي الاقل .2-بلاش تستخدم فرشه مبتله في الشتاء لأنها بتكون دايما حرارتها اقل من درجة حرارة العنبر ب ٥ : ١٠ درجات وبالتالي صعب توصل لدرجة الحرارة المظبوطه للفرشة ... دا طبعا غير انها ممكن تسبب مشاكل صحية تانية زى الاسبرجيلوس.
فى حالة تجمع للكتاكيت بسبب برودة الفرشة :-
ارفع درجة حرارة العنبر شويه لحد ما الكتاكيت تفرد وبعدين نزلها تاني للطبيعي بس ده مش الصح المطلق ولكن هو ادارة للازمة فقط والصح هو التدفئة قبل وصول الكتاكيت بفترة كافية ولو قلقان من تكلفة التدفئة فلك ان تعلم ان الفلوس اللى بتوفرها فى الوقود اقل بكتير من اللى بتخسرها بسبب برودة الكتاكيت.
تابع موقع اجرى نيوز عبر تطبيق (جوجل نيوز) اضغط هــــــــنا
اجرى نيوز ، موقع إخباري يقدم أهم الأحداث المحلية والعربية والعالمية وخدمات صحفية محترفة فى الأخبار والاقتصاد والزراعة والعلوم والفنون والرياضة والمنوعات، وهدفنا أن نصل لقرائنا الأعزاء بالخبر الأدق بما يليق بقواعد وقيم الأسرة المصرية.
لذلك نقدم لكم مجموعة كبيرة من الأخبار المتنوعة داخل الأقسام التالية، اخبار مصر ، اخبار الزراعة ، صناعة الدواجن ،الثروة الحيوانية ،بنوك واقتصاد ،اجرى لايف ،مقالات ،منوعات ، وخدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.
