أكد الدكتور عبد العزيز السيد رئيس شعبة الثروة الداجنة بالغرفة التجارية حول تكلفة الفرخة في المزرعة قال، السعر العادل للفراخ يتم حسابها بتكاليف الإنتاج، في السوق 20 جنيه سعر الكتكوت 25 جنيه علف ده غير اللقاحات والامصال والتدفئة وده يعمل 11 جنيه يبقي التكلفة كلها 62 ونص، يباع الكيلو 59 و60 يبقى المربى بيخسر. 

استغلال المستوردين لارتفاع أسعار العلف:

وبشأن استغلال المستوردين لارتفاع أسعار العلف واحتمارهم للسوق ، قال الدكتور السيد رئيس شعبة الثروة الداجنة بالغرفة التجارية، خلال ندوة  نظمها موقع "اجرى نيوز" الاخبار إنه في ظل ان الدولة لم تعد تقدر على  توفير الدولار فانا مضطر اجيب من السوق السوداء وانا مقدرش اتهم النهاردة الراجل المستورد لسبب واحد وهو ان اليورو او الدولار ب 65 في السوق السوداء اما في البنك ب 33 وكسور فالفرق كبير جدا فالراجل لما بيجيبه بيجيبه بمبلغ كبير عشان كده لما حصل ارتفاع مبالغ فيه في أسعار الدواجن والبيض وحصل اجتماع من مجلس الوزراء ورئيس الاتحاد العام للغرف التجارية .












وقالوا اننا هنخفض من 15 لـ 20 فالكلام ده لحد اللحظة دي مش مظبوط ومتمش لان الكلام اللي قاله رئيس مجلس الوزراء ده هيكون كلام منضبط لو تم تنفيذه لانه قال ان احنا هنوفر الدولار في البنك المركزي وقال اننا هنتكلم مع الجمارك والضرايب عشان نقلل التكلفة الفعلية لـ الضرايب والجمارك عشان نقلل من تكلفة الإنتاج فهذا هو الكلام المنضبط اذا تم تنفيذه وتطبيقه علي أرض الواقع .