ينشر موقع "اجرى نيوز" الإخباري، معلومات حول تجويع الفراخ اثناء فترة الحر، من واقع تقارير بحوث الإنتاج الداجنى بمعهد الإنتاج الحيواني بمركز البحوث الزراعية بوزارة الزراعة، واهم المعلومات كالاتي .. 


- ان الفراخ بتقلل أكلها بشكل طبيعي في الحر حتى لو مارفعناش العلف
- ان لو نزلت العلف قبل تعافى الفراخ من آثار موجة الحر هيسبب نشاط مفاجئ للفراخ والنشاط ده هيرفع درجة حرارة الفراخ بشكل قاتل
- ان التجويع هيأخر عمر البيع وهيخل بسلامة الأمعاء 

وجهة النظر الثانية بتقول انه ضروري جدا ومبرراتهم في كدة كتيره أهمها :-

-ان الفراخ بتقلل أكلها اثناء فترة الحر بس لكن بتفضل تأكل في الفترة اللي قبلها وده هيرفع درجة حرارة الفرخة خلال فترة ذروة الحر وهيزود الإجهاد الحراري
- ان بدون التجويع هتزيد درجة حرارة جسم الفراخ وهيزيد النافق بشكل كبير جدا 
بشكل شخصى : انا مع تجويع الفراخ اثناء فترة الحر لا عيوبه اقل بكتير من مميزاته 

امتى ترفع العلف من قدام الفراخ ؟

ترفع العلف قبل بداية فترة الحر ب ٣ الي ٦ ساعات وماتنتظرش برفع العلف حتى بداية فترة الحر لان تأخير رفع العلف حتى بداية فترة الحر عديم القيمة 

ما هي أقصى فترة رفع للعلف؟

ممكن نرفع العلف فى الايام شديدة الحرارة حتى ١٢ الي ١٤ ساعة ولا تقلق من تأثيرها على استهلاك العلف لأن الفراخ بتعوضه اثناء الفترة الباردة من اليوم اذا ما تعاملنا مع الإجهاد الحراري بشكل جيد

امتى ننزل العلف؟

تنزيل العلف مالوش وقت محدد ولكن مرتبط بشرطين :- اولهما تحسن الجو وثانيهما بداية اختفاء أعراض الإجهاد الحراري على الطيور وتحسن حيوية الطيور 

 خلي بالك :- تنزيل العلف للفراخ وهي مازالت مجهدة حراريا حتى لو تحسنت حالة الجو ممكن تعمل نافق كتير جدا .