ينشر موقع "اجري نيوز" الإخباري عدة معلومات للمربيين والمهتمين بالقطاع الداجني حول كيفية النجاخ في تربية الدواجن بدون مشاكل .

نجاح تربية الدواجن قائمه علي معادلتين و هترتاح من مشاكل كتير:

المعادلة الاولي اول اسبوعين (فترة التحضين):

- صدق الي يقولك في فترة التحضين ان التدفيه  عند الكتاكيت اهم من الاكل والشرب و الأدوية

- تدفيه مضبوطه يعني حراره متزنه مابين ال٣٢ ل٣٤ درجه بشرط تكون موفر تهويه جيده مع التدفيه علشان متخلقشي رطوبه وريحة امونيا زايده في مزرعتك ومتفتحش الابواب للامراض التنفسيه علي العمر الكبير .

- لو وفرت الشرط ده هتلاقي الكتاكيت هتكون في حيويه ونشاط الكتاكيت هتسحب اكل كويس ومايه كويس .

- ماتستعملش مضادات حيويه كتير عمال علي بطال علشان متكسرشي بدري عمود مناعة الكتكوت  الي سانده وواخده  من مناعة الام. 

الاضرار المعرضة لمزرعتك لو فترة التحضين سائت منك بسبب سوء التدفيه مع مراعاة التهوية: 

- أولا هتلاقي تجمعات للكتاكيت في اركان المزرعه ووسط المزرعه  ضمور وخمول كامل للكتاكيت ينتج عنه ضمور في بعض الخلايا المسئوله عن النمو .

- ضعف حيوية الكتاكيت قلة الاقبال علي العلف والماء 

- التأخر في عملية وحساب معدل النمو والتحويل اليومي بسبب قلة سحب الكتاكيت للعلف 

- اصابات مبكره للكولستيريديا والامراض المعويه والبكتيريه 

- تقزمات ونسبه عاليه من السرده ناتجه عن الاسباب الي قولتها فوق 

- تفتت الجهاز المناعي للكتاكيت مبكرا  فتصبح عرضه للامراض الفيروسيه في العمر الكبير 

- انعدام الحاله العامه والمتوسط العام للوزن في نهاية الدوره مع ملاحظه ان نسبة استهلاك العلف زائد عن ناتج متوسط اللحم 

المعادله الثانية العمر ما بعد الـ٢٠ يوم :

-وصدق الي يقولك ان العمر الكبير بعد ال٢٥ يوم من عمر الفراخ  فيها بتكون التهويه اهم من الاكل والشرب و الادويه

-الفراخ طول ما انت موفرلها تهويه متزنه في العمر الكبير مع مراعاة التيارات الهوائيه المباشره متكونشي متجهه بصوره مباشره للفراخ خاصه الفتحات التهويه من الجهه البحريه  .

-ومع اتزان عملية التهويه وتوزيع الهواء. صح داخل المزرعة هتلاحظ ان نشاط الفراخ والحيوية جيده  والفراخ محافظه علي مناعتها مع سحب علف ومياه بصوره كويسه  

طب لو حصل سوء تهويه في العمر الكبير: 

هتلاحظ التالي 

- نسبة رطوبه عاليه ناتجه عن عدم توازن وقلة نسبة الاكسجين في المزرعه مع زيادة نسبة البخار الناتج من عملية الزفير للفراخ والبخار الناتج من براز الفراخ والرطوبه الزايده من المياه المهدوره من المساقي علي الارض تسبب رطوبة زايده للسبله مع عدم توفير نسبة هواء كافي هينتج رائحة غاز الامونيا الزايده في المزرعه حتي لو كنت بترش جير  علي السبله كل ساعتين الريحه هتفضل موجود طول مفيش تهويه كافيه .
 

طب تعالوا اقولكم ايه الاضرار الناتجة عن ذلك.. 

-أولا في البداية هتلاحظ تجمعات الفراخ حول اركان الحوائط في المزرعه وهتلاقي في نص المزرعه دايمه فاضي قليل لما تلاقي فيه فراخ  الفراخ هنا بدأت تتجه لاي مكان يقل فيه نسلة الخنقه الناتجع عن الكاتمه الزايده والبحث عن اي مصدر للاوكسجين 

-ثانيا مش هتلاحق من الامراض التنفسيه هتبقا في البدايه عطسه عاديه مع التهابات في العيون بسبب الريحه الزايده مع تورمات في الراس مسحوبه لاصابه حاده من الCRD 
 
-ثالثا سحب الاكل هينزل تدريجا لحد ماهيبقا ملحوظ جدا 

-رابعا عمود المناعه هيتكسر منك وهتفتح ابوابك لجميع الامراض الفيروسيه الشديده 

-خامسا لو في اي اصابه بكتيريا مثلا الكوليستيريا او الكوكسيديا  مش هتعرف تتخلص منها ولا هتعرف تعالجها طول مافي رطوبه عاليه في مزرعتك لان معادلة الرطوبه مع الكوكسيديا والكوليستيريا علاقتها طرديه يعني كل لما الرطزبه بتزيد كل ما نشاط البكتيريا دي بتزيد وبتنشط جدا علي السبله الرطبه  فكل لما تعالج الفراخ من البكتيريا دي هتلاقيها يومين وبترجع تتصاب تاني وتيجي تعالج تاني وثالث هتلاقيها بترجع تاني. 

لأنك مش ملاحظ انك بالعلاج بتقضي علي البكتيريا داخل امعاء الفراخ بس سايب البكتيريا في تزايد علي السبله بسبب الرطوبه وبمجر ان الفراخ بعد ماتتعالج من البكتيريا بترجع تنكش وتاكل من السبله تاني وبتتصاب تاني بكل سهوله من البكتيريا الساكنه في السبله باستمرار بسبب زيادة الرطوبه الي بتساعد علي نشاط البكتيريا دي


تابع موقع اجرى نيوز عبر تطبيق (جوجل نيوز) اضغط هــــــــنا

اجرى نيوز ، موقع إخباري  يقدم أهم الأحداث المحلية والعربية والعالمية وخدمات صحفية محترفة فى الأخبار والاقتصاد والزراعة والعلوم والفنون والرياضة والمنوعات، وهدفنا أن نصل لقرائنا الأعزاء بالخبر الأدق بما يليق بقواعد وقيم الأسرة المصرية.

لذلك نقدم لكم مجموعة كبيرة من الأخبار المتنوعة داخل الأقسام التالية، اخبار مصر ، اخبار الزراعة ، صناعة الدواجن ،الثروة الحيوانية ،بنوك واقتصاد ،اجرى لايف ،مقالات ،منوعات ، وخدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.