ينشر موقع "اجرى نيوز" الاخبارى معلومات هامة  عن   كيفية  التعامل مع  ، طرق التعامل مع  رطوبة الفرشة  بعنابر  دواجن التسمين ، من خلال تقاير قسم الانتاج الداجنى بمعهد بحوث الانتاج الحيوانى بوزارة الزراعة .

واليك طرق التعامل مع  رطوبة الفرشة  بعنابر  دواجن التسمين وهى كالاتى 

-اول اماكن فى العنبر بيظهر فيها رطوبة الفرشة هى الاماكن :-

حوالين خطوط الماء او السقايات او جوانب وأركان العنبر وفى اقدم مكان من الفرشة ( مكان التحضين ) او عند خلايا التبريد او الاماكن اللى بتتجمع وبتتزاحم فيها الفراخ ، وبتزيد منها لحد ما تكون فى العنبر كله احيانا  ، ولذلك مهم جدا متابعة الاماكن دى يوميا علشان لو ظهرت فيها رطوبة تحلها بدرى. 


-بتظهر الرطوبة اولا على هيئة بلل او نداوة خفيفة جدا وده بيخلى الفراخ تتجنب انها تقف على البلل وبالتالى هترطب الفرشة اكتر لان حرارة جسم الفراخ لها دور فى تجفيف الفرشة 



-اول مايظهر بلل خفيف على سطح الفرشة  ، يبقى لازم تتدخل بسرعة قبل مايزيد إما انك تقلب الجزء المبتل بس بهدوء او تضيف -طبقة فرشة جديدة وممكن تقلب وتزود فرشة ، ودة هيخلى الفراخ تستخدم المكان ده وتجففه بحرارتها وبكدة تحل المشكلة بدرى .
-أما لو لقيت البلل عميق فى طبقات الفرشة وواصل من سطح الفرشة وحتى اسفل الفرشة ،  يفضل ازالة الاجزاء المبتلة وتغييرها بشرط التهوية الجيدة اثناء الشغل.



-فيه ناس بتضيف جير على الفرشة لتجفيفها وتقليل الامونيا ...ولكن الافضل منها اضافة الشبة او السوبرفوسفات ووضع طبقة فرشة جديدة عليها لمنع الطيور من اكلها .



-ممكن تقلب الفرشة لو زاد سمكها عن 15 سم مع مراعاة التهوية الكاملة للعنبر .
-لو مش متاح التهوية الكاملة للعنبر اثناء التقليب يبقى بلاش تقلب الفرشة لانه هيحرر الامونيا والغازات الضارة اللى فى الفرشة اللى هيكون لها تأثير سلبى جدا على صحة الطيور والجهاز التنفسى.