تلقيح الجاموس ليه شروط ومعايير مهمة، مش بس لصحة الحيوان العامة، كمان لازم نراعي الظروف البيئية والأكل اللي بياكله الجاموس. الموضوع ده محتاج وعي واهتمام من المربين عشان يقدروا يعملوا التلقيح بشكل سليم لازم نسمع من الخبراء علشان نفهم الموضوع أكتر ونعرف إزاي نطبقه صح.
الدكتور أسامة مصطفى المالكي، رئيس قسم بحوث تربية الجاموس في معهد بحوث الإنتاج الحيواني، كان ضيف الإعلامي عاصم الشندويلي في برنامج "نهار جديد" على قناة مصر الزراعية، وشرح بشكل مفصل اشتراطات نجاح عملية التلقيح.
الاشتراطات الفسيولوجية للتلقيح
الدكتور أسامة قال إن أول حاجة لازم نكون عارفينها هي إن الجاموس لازم يوصل لمرحلة "النضج الجنسي" عشان التلقيح يكون ناجح ووصل إلى أن الذكور بيمروا بأربع مراحل لحد ما يوصلوا للنضج الجنسي:
من عمر 12 شهر: تبدأ مرحلة تكوين النطف
من عمر 15 شهر: يحصل تطور جزئي في القدرات الجنسية
من عمر 20 شهر: يوصل للبلوغ الجنسي
من عمر 24 شهر: النضج الجنسي بيكتمل ويقدر المربي يستخدم "الطالوق" للتلقيح.
البلوغ الجنسي للإناث
أما الإناث، فيقول الدكتور أسامة إن البلوغ الجنسي بيحصل لما يوصلوا لعمر 18 شهر ويكون وزنهم 280 كجم عشان يكون التلقيح ناجح، لازم تتوافر شوية شروط زي:
نوع السلالة
نوع الأكل والتغذية
الظروف البيئية المحيطة
عدم وجود أمراض
ويأكد إن أول ولادة متوقعة بعد التلقيح بتكون بين 28 لـ 31 شهر.
أخطاء المربين الشائعة
أشار الدكتور أسامة لعدة أخطاء بيقع فيها المربين زي محاولات تبكير أو تأخير التلقيح، ودي بتكون ليها مشاكل كبيرة على صحة الحيوان.
مشاكل التبكير في التلقيح
لما يتم تلقيح الإناث قبل ما توصل للبلوغ الجنسي أو الوزن المناسب (280 كجم)، ده بيضر الجهاز التناسلي وبيزود من خطر الإجهاض وفقد الأجنة، وده طبعًا بيأثر سلبًا على صحة الحيوان.
مخاطر تأخير التلقيح
أما تأخير التلقيح لإناث الجاموس اللي وصلت للبلوغ أو الوزن المثالي، ده ممكن يسبب تراكم الدهون حوالين الجهاز التناسلي، وده ممكن يؤدي للعقم
تابع موقع اجرى نيوز على صفحة "الفيس بوك " اضغط هــــــــنا
تابع موقع اجرى نيوز عبر تطبيق "جوجل نيوز" اضغط هــــــــنا
تابع موقع اجرى نيوز على "اليوتيوب" اضغط هــــــــنا
تابع موقع اجرى نيوز على " واتس اب" اضغط هــــــــنا
تابع موقع اجرى نيوز على " X " اضغط هــــــــنا
تابع موقع اجرى نيوز على "إنستجرام" اضغط هــــــــنا
اجرى نيوز ، موقع إخباري يقدم أهم الأحداث المحلية والعربية والعالمية وخدمات صحفية محترفة فى الأخبار والاقتصاد والزراعة والعلوم والفنون والرياضة والمنوعات، وهدفنا أن نصل لقرائنا الأعزاء بالخبر الأدق بما يليق بقواعد وقيم الأسرة المصرية.
لذلك نقدم لكم مجموعة كبيرة من الأخبار المتنوعة داخل الأقسام التالية، اخبار مصر، اخبار الزراعة، صناعة الدواجن، الثروة الحيوانية، بنوك واقتصاد، اجرى لايف، مقالات، منوعات، وخدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.
