ينشر موقع "اجري نيوز" الإخباري عدة معلومات للمهتمين بالقطاع الحيواني والمربيين حول رعاية العجول بعد الولاده مباشرة في مزارع الحلاب.

رعاية العجول بعد الولاده مباشرة في مزارع الحلاب:

1- اول حاجه بنفحص العجل فحص سريع عشان نتاكد ان مفيش اي عيوب خلقيه ،الراس مش كبيره، المفاصل مفيهاش تعظم ، مفيش atresia ani,، مفيش cleft palate. 

2- بنتأكد من حيوية العجل وانه بيتنفس ، وبنعمل ازالة للسوايل الموجوده ف الانف.
 
لو العجل فيه مشكله ف التنفس ممكن نصب ماء بارد على راسه وفي الاذن و نضغط علي الnasal septum 
و ممكن نضغط ضغطه بسيطه علي القصبه الهوائيه. 

وضعية ان احنا نقلب العجل ونعلقه من رجله فوق و رأسه تحت، وضعيه غير صحيحه ومش بتساعد علي التنفس خالص بل بالعكس  دي بتمنع ان العجل يعرف يتنفس ،لان محتوي البطن بيضغط علي الرئة وبيصعب التنفس. 

الوضعيه الصحيحه هي ال sternal recumbency

نقعد العجل علي بطنه و رجوله متنيه تحتيه.

3- بعد ما اتأكدنا من حيوية العجل لازم ننقله مباشرة من منطقة الولاده لبوكسات الرضاعه في خلال 10دقايق من الولاده، لاسباب كتيره منها انه مياخدش اي عدوي من المكان عن طريق الفم او عن طريق الحبل السري. 

فيه مزارع عندها intermediate holding area 
مكان مقفول بتنقل فيه العجل بعد الولاده لفتره عشان التدفئه وبعدين بتنقله للبوكسات ، بس ده مش صح 
لانه بيمنع العجل انه يعرف يتأقلم علي المكان الجديد. 

drying -4
بننشف العجل من السوايل باستخدام فوط او مناديل وده بيساعد في تحسين الدوره الدمويه و التدفئه. 

disinfection of navel by dipping -5

تطهير السرة بالتغطيس في صبغة يود تركيز 7%  او كلورهكسيدين0.5%

6- الترقيم والتسجيل 
بندي للعجل رقم اذن وبنسجل الولاده وتوقيتها و رقم الام و درجة المساعده في الولاده وهكذا. 

7- السرسوب :
و ده اهم حاجه في الموضوع ده كله ، وكلنا عارفين اهمية السرسوب بالنسبه للعجل علي مستوي المناعة و الصحه والانتاجيه بعد كده. 

فيه حاجتين بيحددو جودة السرسوب: 
أ -اول حاجه هي كمية الاجسام المضادة في السرسوب( igG) ، و دي بتحددها عوامل كتيرة .
السرسوب الجيد لازم يحتوي علي الاقل علي 50جرام من الاجسام المضاده في كل لتر.
و ده بنقدر نقيسه باستخدام الهيدروميتر او ال refractometer.

 ب-تاني حاجه بتحدد جودة السرسوب هي العدد البكتيري 
Level of bacterial contamination
طبعا كل ما زاد العد البكتيري في السرسوب كل ما قل جودة السرسوب وقل امتصاص الاجسام المضاده وأصبح السرسوب مصدر للعدوي. 

هنا لازم نشير لأهمية النظافه اثناء الحلب ، لازم الضرع يتطهر كويس ولازم الادوات المستخدمه تكون نضيفه ومتطهره. 

ممكن نعمل بستره للسرسوب عند 60درجه لمدة 30دقيقه ،ده هيقلل العدد البكتيري ويزود جودة السرسوب.

العجل بياخد 4لتر سرسوب بعد الولادة علطول باستخدام الجراعه.
Esophageal feeder.

السرسوب المتبقي ممكن نحطه ف التلاجه ونستخدمه علي مدار اسبوع لو متبستر، لو مش متبستر يبقي اخره يومين ويترمي...

 8- التحصين : 
قبل السرسوب بندي العجل تحصين بالفم ضد الروتا والكرونا زي calf guard.
بعد كده بندي العجل تحصين في الانف ضد IBR و PI3 زي Inforce3.

9- اخيرا ، بناخد عينة دم بعد 48 ساعة عشان نشوف مستوي ال passive immunity من خلال قياس ال serum total protein
باستخدام ال refractometer 
عشان لو فيه مشكلة FPT اقدر اكتشفها واحلها بسرعه.



تابع موقع اجرى نيوز عبر تطبيق (جوجل نيوز) اضغط هــــــــنا

اجرى نيوز ، موقع إخباري  يقدم أهم الأحداث المحلية والعربية والعالمية وخدمات صحفية محترفة في الأخبار والاقتصاد والزراعة والعلوم والفنون والرياضة والمنوعات، وهدفنا أن نصل لقرائنا الأعزاء بالخبر الأدق بما يليق بقواعد وقيم الأسرة المصرية.

لذلك نقدم لكم مجموعة كبيرة من الأخبار المتنوعة داخل الأقسام التالية، اخبار مصر، اخبار الزراعة، صناعة الدواجن، الثروة الحيوانية، بنوك واقتصاد، اجرى لايف، مقالات، منوعات، وخدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.