لو إنتي من الناس اللي بتحب القطط وعايزة تعرفي أكتر عن حياتها وطول عمرها، فمهم تعرفي إن القطط بتعيش في المتوسط من 10 لـ 15 سنة، لكن فيه أنواع بتعيش أكتر من كده بكتير، لدرجة إنها توصل لعشرينيات أو حتى ثلاثينات العمر مثلاً، القطة «كريم بف» كانت أكبر قطة في العالم وعاشت لحد ما وصلت 38 سنة.

أسباب كتير بتأثر على عمر القطط، زي نوعية الأكل اللي بتأكله، المكان اللي عايشة فيه، وكمان الرعاية الصحية القطط اللي بتاكل أكل صحي وغني بالبروتين وبعيد عن الكربوهيدرات المبالغ فيها بتبقى صحية أكتر وتعيش مدة أطول. أما القطط اللي بتعيش برة البيت، فهي أكتر عرضة للمخاطر زي الحوادث أو الأمراض أو الطفيليات.

علشان تحافظي على صحة قطتك وتساعديها تعيش فترة أطول، لازم تزوري الطبيب البيطري بانتظام حتى لو هي مش تعبانة، وتهتمي بأكلها وتضمني إنها تشرب مياه كفاية، وكمان تخليها تتحرك وتلعب عشان تبعد عن السمنة وتحافظ على نشاطها.

القطط بتمر بمراحل مختلفة في حياتها:

مرحلة ما قبل البلوغ (من 0 لـ 6 شهور): بتكون فيها القطط بتكبر بسرعة ومحتاجة عناية خاصة.
مرحلة البلوغ (من 6 شهور لـ 3 سنين): بتوصل القطط هنا لحجمها الكامل وتبدأ تتعلم إزاي تعيش حياتها، وبتكون في أفضل حالاتها من حيث النشاط والصحة.
مرحلة منتصف العمر (من 7 لـ 10 سنين): دي بتكون زي مرحلة الأربعينيات والخمسينات عند البشر، بتكون القطط فيها صحية ومستقرة.
مرحلة ما بعد منتصف العمر (من 11 لـ 14 سنة): دي المرحلة اللي بتكون زي السبعينات عند البشر، القطط فيها بتكون أقل نشاط بس لسه محتفظة بصحتها.
مرحلة الشيخوخة (من 15 سنة فأعلى): دي المرحلة الأخيرة في عمر القط، وليها تحدياتها لأن القطط في السن ده بتحتاج رعاية إضافية.
يعني لو بتحبي قطتك وعايزة تعيش معاك أطول وقت ممكن، لازم تهتمي بيها كويس، توفرلها أكل صحي، وتديها رعاية طبية
ونفسية، وكمان تضمني إن عندها مساحة تلعب وتتحرك فيها.


تابع موقع اجرى نيوز   على صفحة "الفيس بوك "  اضغط هــــــــنا
تابع موقع اجرى نيوز   عبر تطبيق "جوجل نيوز"       اضغط هــــــــنا

تابع موقع اجرى نيوز   على "اليوتيوب"  اضغط هــــــــنا
تابع موقع اجرى نيوز  على " واتس اب"  اضغط هــــــــنا
تابع موقع اجرى نيوز  على     " X "         اضغط هــــــــنا
تابع موقع اجرى نيوز  على "إنستجرام"  اضغط هــــــــنا

اجرى نيوز ، موقع إخباري  يقدم أهم الأحداث المحلية والعربية والعالمية وخدمات صحفية محترفة فى الأخبار والاقتصاد والزراعة والعلوم والفنون والرياضة والمنوعات، وهدفنا أن نصل لقرائنا الأعزاء بالخبر الأدق بما يليق بقواعد وقيم الأسرة المصرية.

لذلك نقدم لكم مجموعة كبيرة من الأخبار المتنوعة داخل الأقسام التالية، اخبار مصر، اخبار الزراعة، صناعة الدواجن، الثروة الحيوانية، بنوك  واقتصاد، اجرى لايف، مقالات، منوعات، وخدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية