طيب تعرفوا ان معظم اللي احنا بناكله سواء مشوي او سنجاري او حتى فسيخ ده مش بوري دي سمكة الطوبار وبتتباع تحت اسم البوري .
مبدايا متتخضوش هما السمكتين من نفس العيله وهي العائلة البوريه .. بس كل سمكه فيهم ليها شكل ومواصفات تعالو نعرف مع بعض الفرق بينهم عشان ما يتضحكش علينا
السمك اللى الناس كلها بتاكله ده اسمه طوبار .. وهي سمكة من العائلة البورية وبيكون شبه البورى جدا ولكنه مش بورى وفيه أكثر من فرق في الشكل الخارجي بيميز بين البوري والطوبار
البوري بيكون الفم بتاعه مفلطح جدا شبه نص القوس وشفايفه كبيرة شوية وبيكون ضهره لونه أزرق) غامق وبيكون فيه نقطة زرقا قدام الزعنفة الجانبية ورا الخياشيم على طول وبيكون فيه غشاء دهنى على عيون السمكة شبة الجفن الرامش اللى بيغطى عين الفراخ
الطوبار بيكون الفم بتاعه مدبب شوية والشفايف بتاعته رفيعة وضهره لونه اسود وفيه نقطة سودا قدام الزعنفة الجانبية بتاعته وراء الخياشيم على طول
وبرضه للأسف فيه بياعين مش بيكونوا عارفين أساسا الفرق بين البوري والطوبار
العائلة البورية فيها أكثر من نوع وهم: البوري والطوبار والسهلية والجرانة والدهبان، وأطعم سمكة فيهم هي السهلية
بس نادرة شوية ومش موجودة غير في مناطق معينة
تابع موقع اجرى نيوز عبر تطبيق (جوجل نيوز) اضغط هــــــــنا
اجرى نيوز ، موقع إخباري يقدم أهم الأحداث المحلية والعربية والعالمية وخدمات صحفية محترفة فى الأخبار والاقتصاد والزراعة والعلوم والفنون والرياضة والمنوعات ، وهدفنا أن نصل لقرائنا الأعزاء بالخبر الأدق بما يليق بقواعد وقيم الأسرة المصرية.
لذلك نقدم لكم مجموعة كبيرة من الأخبار المتنوعة داخل الأقسام التالية، اخبار مصر ، اخبار الزراعة ، صناعة الدواجن ،الثروة الحيوانية، بنوك واقتصاد ،اجرى لايف ،مقالات ،منوعات ، وخدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.
