الخيول عادة بتعيش حوالي 33 سنة لكن في بعض الخيول ممكن تعيش أكتر من كده وتوصل لـ 50 سنة أو أكتر  وفيه خيول برية وصل عمرها لـ 36 سنة  ولكن عمر الخيول البرية عمومًا بيكون أقل من المستأنسة عشان تعرف عمر الحصان  فيه 4 طرق رئيسية:

كفيفة فحص الخيول

 

فحص جلد الخدود  لأن جلد الحصان الصغير بيكون أكتر مرونة ونعومة مقارنة بالحصان الكبير في السن.

فحص الأضلاع لأن المسافة بين الأضلاع بتتسع مع تقدم الحصان في العمر.

فحص لحم الذيل لأنه بينكمش مع تقدم العمر وتبقى المفاصل بارزة أكتر.

فحص الأسنان، وده من خلال ملاحظة ظهور الأسنان المؤقتة وتساقطها وظهور الأسنان الدائمة وتآكلها.

العوامل اللي بتطول عمر الحصان

فيه عوامل كتير بتأثر في العمر الافتراضي للحصان ولو تم توفير الرعاية المناسبة له ده بيساعده يعيش حياة أطول وأصح أهم العوامل دي هي:

التغذية الجيدة

الخيول لازم تاكل عشب أو قش نظيف ومش ملوث بالغبار أو العفن ولازم يكون عندها طعام ومياه بسهولة على مدار اليوم الحصان
بيحتاج ياكل وجبات صغيرة ومتفرقة عشان ما يصابش بالقرحة كمان لازم نضيف الحبوب اللي بتحتوي على كربوهيدرات عشان تديله الطاقة  لكن من غير ما نكثر منها عشان ما تأثرش على مفاصله.

العناية الصحية والمطاعيم

الخيول زي أي حيوانات تانية بتحتاج رعاية بيطرية منتظمة ولازم ناخد لها تطعيمات ضد أمراض زي الإنفلونزا والتهاب الدماغ  والكزاز وداء الكلب  وغيرها من الأمراض لازم كمان نتابع صحة أسنان الحصان ونفحصها مرة أو مرتين في السنة.

المسكن الملائم

الخيول محتاجة مكان نظيف يحميها من الرياح والمطر والشمس الحارقة والمكان ده لازم يكون مغلق بشكل كامل عشان يوفر لها الحماية من الطقس السيء لازم كمان يتم تنظيف المكان يوميًا وتوفير مياه باردة وراحة في الطقس الحار أو بطانية في البرد الشديد.

التمارين الرياضية

الخيول بتحتاج تمارين بانتظام زي الركوب أو الجري في المساحات الواسعة  وده بيخليها بصحة جيدة لازم كمان يكون المكان خالي من الأسلاك الشائكة علشان تكون آمنة.

العناية بحوافر الحصان

حوافر الحصان من أهم الأشياء اللي لازم نهتم بيها لأن مشاكل الحوافر بتخليه مش قادر يتحرك زي ما هو عايز لازم نقطع الحوافر بانتظام كل شهرين تقريبًا ونحط حدوات مناسبة علشان تحافظ على صحة الحوافر.

تأثير نوع الحصان على العمر

الخيول المستأنسة بتعيش أطول من الخيول البرية وده بسبب الرعاية اللي بتاخدها، والتغذية المتوازنة والمسكن الجيد. كمان الخيول الصغيرة الحجم بتعيش أطول من الخيول الكبيرة لأن الخيول الكبيرة الحجم بتواجه مشاكل صحية بتخلي عمرها أقل.

عمر البلوغ عند الحصان

الأنثى بتوصل لمرحلة البلوغ عادةً بين 12 و15 شهر، بس في خيول بتوصل للبلوغ من 9 شهور  أما الفحل فلازم يكون عمره فوق 15 شهر علشان يقدر يتزاوج ومن حيث الإنجاب فترة الذروة للإناث بتكون بين 4 و15 سنة، وبعد كده قدرتها على الإنجاب بتقل، لكن الذكور بيستمروا في إنتاج الحيوانات المنوية طوال حياتهم.

تابع موقع اجرى نيوز   على صفحة "الفيس بوك "  اضغط هــــــــنا
تابع موقع اجرى نيوز   عبر تطبيق "جوجل نيوز"       اضغط هــــــــنا

تابع موقع اجرى نيوز   على "اليوتيوب" اضغط هــــــــنا
تابع موقع اجرى نيوز  على " واتس اب"  اضغط هــــــــنا
تابع موقع اجرى نيوز  على     " X "         اضغط هــــــــنا
تابع موقع اجرى نيوز  على "إنستجرام"  اضغط هــــــــنا

اجرى نيوز ، موقع إخباري  يقدم أهم الأحداث المحلية والعربية والعالمية وخدمات صحفية محترفة فى الأخبار والاقتصاد والزراعة والعلوم والفنون والرياضة والمنوعات، وهدفنا أن نصل لقرائنا الأعزاء بالخبر الأدق بما يليق بقواعد وقيم الأسرة المصرية.

لذلك نقدم لكم مجموعة كبيرة من الأخبار المتنوعة داخل الأقسام التالية، اخبار مصر، اخبار الزراعة، صناعة الدواجن، الثروة الحيوانية، بنوك  واقتصاد، اجرى لايف، مقالات، منوعات، وخدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.