موقع "اجري نيوز" الاخباري ينشر معلومات مهمة عن تربية النعام، لان تربية النعام بقت من المواضيع اللي عليها إقبال كبير، وخاصة بعد ما الدكتور محمود عاطف، أستاذ مساعد رعاية الدواجن في معهد بحوث الإنتاج الحيواني، شارك في برنامج "نهار جديد" على قناة مصر الزراعية وشرح فيها أساسيات المشروع وكيفية تحقيق أعلى معدلات الإنتاجية.

خطوات تشجيعية

الدولة اتخذت خطوات مهمة لدعم مشاريع الإنتاج الداجني بشكل عام وتربية النعام بشكل خاص، و من أهم الخطوات دي هي السماح بإنشاء مجزرين مخصصين للنعام، وده ساعد على زيادة الطلب على لحوم النعام.
و الخطوات دي شجعت المربين اللي كانوا شغالين في تربية النعام قبل كده على العودة للمجال، وكمان شجعت صغار المربين على بدء المشروع.

دورة إنتاج وتربية النعام

الدكتور محمود عاطف وضح دورة الإنتاج في مشروعات تربية النعام، وبيّن إنها تبدأ من عمر يوم وتستمر لحد 11 أو 12 شهر. في الفترة دي، وزن الطائر بيوصل من 90 لـ 100 كجم و بيحتاج حوالي 550 كجم من الأعلاف.

أفضل الخيارات لصغار المربين

لو أنت مبتدئ و عايز تبدأ مشروع تربية نعام، الدكتور عاطف قال إنك ممكن تبدأ بمساحة لا تقل عن 8 لـ 12 متر مربع، ودي مساحة مناسبة للبدء.
كمان فيه خيارات تانية، زي إنك تركز على تربية النعام في مراحل عمرية محددة، مثلاً من عمر يوم لحد 3 شهور، أو من 3 لحد 6 شهور، لو مش عايز تتحمل مخاطر المرحلة الأولى. 

طفرة نوعية

الطفرة الكبيرة اللي حصلت في مجال تربية النعام بقت واضحة بعد ما اتوفرت أماكن ومجازر معتمدة، وده شجع على ظهور صفحات و جروبات متخصصة في تسويق لحوم النعام،  دلوقتي، لحوم النعام موجودة في السوبر ماركت بشكل قانوني وشرعي.
كما أكد الدكتور عاطف إن مجال تربية النعام بقى واعد جدًا وجاذب للمستثمرين، خاصة مع زيادة المشاريع السياحية الكبيرة زي "مدينة العلمين"، اللي ممكن تستوعب إنتاج عدد كبير من المربين.   



تابع موقع اجرى نيوز عبر تطبيق (جوجل نيوز) اضغط هــــــــنا

اجرى نيوز ، موقع إخباري  يقدم أهم الأحداث المحلية والعربية والعالمية وخدمات صحفية محترفة في الأخبار والاقتصاد والزراعة والعلوم والفنون والرياضة والمنوعات، وهدفنا أن نصل لقرائنا الأعزاء بالخبر الأدق بما يليق بقواعد وقيم الأسرة المصرية.


لذلك نقدم لكم مجموعة كبيرة من الأخبار المتنوعة داخل الأقسام التالية، اخبار مصر، اخبار الزراعة، صناعة الدواجن، الثروة الحيوانية، بنوك واقتصاد، اجرى لايف، مقالات، منوعات، وخدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.