لو عندك مواشي وعايز تصنع لبن زبادي في البيت أو في المزرعة بشكل بسيط وبتكلفة أقل، هنا هقولك الطريقة بالخطوات صناعة اللبن الزبادي مش بس بتزود من قيمة الحليب اللي عندك، لكن كمان بتكون مصدر دخل إضافي إذا اتبعنا الخطوات بشكل صحيح.

اهم الخطوات :

تنقية الحليب: أول حاجة بتعملها هي تصفية الحليب عشان يكون نقي وجاهز لازم تستخدم قطعة شاش نظيفة علشان تتخلص من أي شوائب.
إضافة الحليب الجاف: علشان تحصل على لبن زبادي  قوامه ثقيل، تقدر تضيف حليب جاف خالي من الدسم، بس خلي بالك تضيفه بنسبة بسيطة (ما بين 2-12%) عشان ما يؤثرش على طعم الزبادي.

غلي الحليب: بعد ما تضيف الحليب الجاف، سخّن الحليب بطريقة غير مباشرة، يعني حطه في وعاء كبير مليان ماء، وخلّيه على نار هادئة لو غليته على درجة 62 درجة مئوية لمدة نص ساعة، كده تبقى ضمنت التخلص من الميكروبات وتكثيف المواد الصلبة.

درجة الحرارة المناسبة: خلي بالك، بعد ما يغلي الحليب، اتركه يبرد لحد ما يوصل درجة حرارة 45 درجة مئوية، وهي درجة يتحملها جسم الإنسان، علشان الحليب يكون جاهز لإضافة الزبادي.

إضافة الزبادي البادئ: بعد ما الحليب يبرد شوية، ضيف لبن الزبادي الجاهز (الروب) بنسبة 3% من كمية الحليب (يعني فنجان روب لكل لترين حليب) لو في البيت، ضيف لتر روب لكل 9 لتر حليب لو زودت كمية الروب، هتسرّع عملية التخمر.

الخلط الجيد: قبل ما تضيف الروب للحليب، اهرسه كويس علشان تتخلص من أي تكتلات ثم امزج الحليب والروب مع بعض بشكل جيد باستخدام ملعقة نظيفة علشان يتوزع الروب كويس في كل الحليب.

التعبئة والتخمير: بعد ما تخلطهم كويس، عبّئ الحليب في عبوات الزبادي، وغطيها تمامًا علشان تحميها من التلوث بعد كده، خلي العبوات في مكان دافئ حوالي 45 درجة مئوية لمدة 3-6 ساعات حسب الموسم.

التسريع باستخدام الشمس: لو كنت بتعمل الزبادي في البيت، لفي العبوات ببطانية صوف أو قطعة قماش، وحطها في الشمس علشان تساعد في التسريع من عملية التخمر.

التخزين في الثلاجة: بعد ما يتم التخمير وتصبح العبوات جاهزة، خليها في درجة حرارة الغرفة لمدة نص ساعة، وبعدين حطها في الثلاجة الزبادي هيفضل طازج لمدة 8-10 أيام.

صناعة الزبادي بتزيد من قيمة الحليب، وبتقلل الفاقد بدل ما تبيع الحليب كده في السوق، تقدر تصنع منه منتجات إضافية زي الزبادي اللي بيحقق أرباح أعلى كمان تقدر تبيع الزبادي بشكل محلي أو على نطاق واسع، وتزيد دخل مزرعتك كده لو عندك مواشي، هتقدر تستفيد بشكل كبير من الحليب اللي بتنتجه، وتضيف لمزرعتك دخل إضافي بشكل بسيط وفعال


تابع موقع اجرى نيوز   على صفحة "الفيس بوك "  اضغط هــــــــنا
تابع موقع اجرى نيوز   عبر تطبيق "جوجل نيوز"       اضغط هــــــــنا

تابع موقع اجرى نيوز   على "اليوتيوب"  اضغط هــــــــنا
تابع موقع اجرى نيوز  على " واتس اب"  اضغط هــــــــنا
تابع موقع اجرى نيوز  على     " X "         اضغط هــــــــنا
تابع موقع اجرى نيوز  على "إنستجرام"  اضغط هــــــــنا

اجرى نيوز ، موقع إخباري  يقدم أهم الأحداث المحلية والعربية والعالمية وخدمات صحفية محترفة فى الأخبار والاقتصاد والزراعة والعلوم والفنون والرياضة والمنوعات، وهدفنا أن نصل لقرائنا الأعزاء بالخبر الأدق بما يليق بقواعد وقيم الأسرة المصرية.

لذلك نقدم لكم مجموعة كبيرة من الأخبار المتنوعة داخل الأقسام التالية، اخبار مصر، اخبار الزراعة، صناعة الدواجن، الثروة الحيوانية، بنوك  واقتصاد، اجرى لايف، مقالات، منوعات، وخدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.