لو عندك قطيع أغنام، لازم تعرف إن صحتهم بتبدأ من إدارة صح واهتمام بالتغذية, الدوا مش هيحل مشكلة ناتجة عن إدارة غلط أو تغذية سيئة, أول خطوة للحفاظ على صحة الأغنام هي التعرف على الأمراض بسرعة وطلب المساعدة من طبيب بيطري.

تسمم الأمعاء.. العدو الخفي للأغنام

واحد من أخطر الأمراض اللي بتواجه الأغنام هو تسمم الأمعاء، وده بيحصل لما بكتيريا Clostridium perfringens النوع D تفرز سموم قوية في الجهاز الهضمي.

المرض ده بيصيب الأغنام في أي عمر، لكنه أكتر شيوعًا في الحملان الصغيرة اللي بتشرب لبن بكمية كبيرة، أو الحملان اللي بتتغذى في مراعي غنية أو حظائر التسمين.

المشكلة إن المرض بيشتغل بسرعة، والموت ممكن يحصل في ساعات من غير ما تلاحظ إن الحيوان مريض.

الأعراض بتشمل حركات عصبية زي رجوع الرأس للخلف، طحن الأسنان، واحتمال ظهور إسهال قبل الوفاة.

أسباب المرض:

تغيير الأكل فجأة.
التغذية بوجبات عالية الطاقة.
عدم الانتظام في مواعيد الأكل.
زيادة نسبة الحبوب في العلف بسرعة.
عدم توفير مساحة كافية في حظيرة العلف.
وجود طفيليات داخلية.


العلاج الفعلي للمرض محدود، لكن الوقاية ممكنة! لازم تطعيم الحملان بلقاح Clostridium perfringens D قبل دخولها حظيرة التسمين، ويفضل تكرار التطعيم بعد 2-4 أسابيع.

الحملان اللي بترعى في أماكن غنية بالعشب محتاجة جرعة إضافية بعد الفطام. كمان تطعيم الأمهات الحوامل قبل الولادة بـ 2-4 أسابيع بيحمي الحملان الصغيرة.