كيف بيتأقلم الجمل مع الصحراء؟الجمل معروف بقدرته العجيبة على العيش في الصحراء رغم الظروف القاسية عشان كده بيطلقوا عليه "سفينة الصحراء" لأنه بيقدر يسافر لمسافات طويلة في بيئة حارة جدا وبدون وجود ماء بشكل دائم وده بسبب صفات جسمانية وسلوكية كتير عنده بتساعده على التكيف مع حرارة الصحراء وأرضها الجافة.

مواصفات الجمل

1. جسم الجمل وحجمه الكبير: الجمل حجمه كبير جدا، بيصل ارتفاعه لـ 1.8 متر وطوله 3 متر، ووزنه بيبقى من 600 لـ 1000 كيلو. حجمه الكبير بيساعده في إنه يفقد الحرارة اللي في جسمه أسرع كمان أطرافه الطويلة بتخليه بعيد عن الرمال الحارة عشان يحمي جسمه منها.

2. وبر الجمل: الجمل عنده وبر كثيف على ظهره يحميه من الحرارة الشديدة، أما باقي جسمه فبيكون الوبر أخف عشان يقدر يفقد حرارة جسمه بسرعة.

3. لون الوبر: الوبر بتاع الجمل لونه مشابه للون الصحراء عشان يقدر يندمج مع البيئة المحيطة بيه ويحمي نفسه من العوامل البيئية زي الحرارة العالية.

4. أقدام الجمل: الجمل عنده أقدام ضخمة ومتسعة، وده بيساعده إنه يمشي فوق الرمال الناعمة من غير ما تغوص رجليه في الرمل.

5. السنام: الجمل عنده سنام على ظهره، وده مش بس عشان شكله المميز، لكن السنام ده بيخزن فيه الدهون. الدهون دي بتساعده في حاجتين: أولاً إنها تحميه من الحرارة العالية، وثانيًا بيقدر يعتمد عليها كمصدر للطاقة لما ما يكونش في طعام حواليه، كمان الدهون دي بتتحول لماء لما يحتاجه.

6. رموش الجمل: الجمل عنده رموش طويلة جدا، وفيه كمان جفن ثالث بيحميه من الرمل في عينيه، بالإضافة لحواجب كثيفة بتساعده في حماية عينيه من الشمس الحارقة.

7. أنف الجمل: فتحات أنف الجمل ضيقة جداً وده بيحميه من دخول الرمال لما تكون الرياح شديدة. كمان أنفه قادر على ترطيب الهواء وهو بيشمه.

8. أذن الجمل: آذانه مغطاة بشعر من الداخل والخارج عشان يحميها من الرمل والغبار.

9. شفاه الجمل: الجمل عنده شفاه غليظة بتساعده ياكل النباتات الصحراوية الشوكية من غير ما يتأذى.

10. دم الجمل: الدم عند الجمل مميز خلايا الدم الحمراء بتاعته شكلها بيضاوي مش زي باقي الحيوانات، وده بيساعده يتحمل الجفاف وينقل الدم بشكل كويس حتى لو السوائل في جسمه قليلة.

11. أمعاء الجمل: أمعاء الجمل طويلة جدا وده بيساعده يمتص كل المياه الموجودة في أكله عشان ما يخسرش سوائل كتير.

12. الغدد العرقية: الجمل عنده غدد عرقية قليلة جدا، يعني مش بيتعرق زي باقي الحيوانات. ده بيساعده في الحفاظ على المياه داخل جسمه.

سلوكيات الجمل في الصحراء:

شرب كميات كبيرة من الماء: الجمل قادر يشرب كميات كبيرة من المياه في وقت قصير، لدرجة إنه ممكن يشرب حوالي 30 جالون في دقائق معدودة.
البصق: الجمل من الحيوانات المجترة، يعني بيعيد الطعام من معدته عشان يهضمه بشكل أفضل.
العيش في جماعات: الجمل حيوان اجتماعي، بيعيش في قطعان ويكون ليه قائد من الذكور.
أكل كميات كبيرة: الجمل بيقدر ياكل طوال اليوم وبيخزن الطعام في شكل دهون عشان يقدر يعيش فترات طويلة بدون ما يحتاج للأكل.

صفات فسيولوجية تساعد الجمل على التكيف:

تنظيم درجة حرارة الجسم: درجة حرارة جسم الجمل بتتغير مع اليوم، فهي بتوصل لحد 41.7 درجة مئوية في النهار وتنزل لحد 34 درجة مئوية بالليل.
تحمل العطش: الجمل قادر يتحمل العطش لفترات طويلة، وجسمه ما بيفقدش الماء بسرعة.
إعادة امتصاص المياه: أمعاء الجمل بتقدر تعيد امتصاص المياه الموجودة في أكله، ففضلاته بتكون جافة جداً.
الكل دي الصفات دي بتساعد الجمل يعيش في بيئة صحراوية قاسية بدون ما يتأثر بحرارة الشمس أو قلة الطعام والماء

تابع موقع اجرى نيوز   على صفحة "الفيس بوك "  اضغط هــــــــنا
تابع موقع اجرى نيوز   عبر تطبيق "جوجل نيوز"       اضغط هــــــــنا

تابع موقع اجرى نيوز   على "اليوتيوب" اضغط هــــــــنا
تابع موقع اجرى نيوز  على " واتس اب"  اضغط هــــــــنا
تابع موقع اجرى نيوز  على     " X "         اضغط هــــــــنا
تابع موقع اجرى نيوز  على "إنستجرام"  اضغط هــــــــنا

اجرى نيوز ، موقع إخباري  يقدم أهم الأحداث المحلية والعربية والعالمية وخدمات صحفية محترفة فى الأخبار والاقتصاد والزراعة والعلوم والفنون والرياضة والمنوعات، وهدفنا أن نصل لقرائنا الأعزاء بالخبر الأدق بما يليق بقواعد وقيم الأسرة المصرية.

لذلك نقدم لكم مجموعة كبيرة من الأخبار المتنوعة داخل الأقسام التالية، اخبار مصر، اخبار الزراعة، صناعة الدواجن، الثروة الحيوانية، بنوك  واقتصاد، اجرى لايف، مقالات، منوعات، وخدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.